Almatyda aryq jelisiniń kartasy jasalady

ALMATY. QazAqparat – Almaty bıligi aryq jelileriniń kartasyn jasaýǵa baıqaý jarııalady, dep habarlaıdy QazAqparat tilshisi.

«Qalada 1200 shaqyrym aryq jelisi bar. Olardyń ishinde 1100 shaqyrym aryq jelisi aýdandyq ákimdikterdiń qaraýynda jatyr. Qalǵan aryq jelisi ıesiz jatyr. Almatynyń terrıtorııasy keńeıgende biraz shaqyrym aryq jelisi áli balansqa alynǵan joq. Olardyń barlyǵyna ınventarızatsııa júrgizilip jatyr. Aldaǵy ýaqytta balansqa alynady» , - dedi qalalyq Jasyl ekonomıka basqarmasynyń basshysy Erjan Seıtenov.

Onyń aıtýynsha, sońǵy 3 jylda 300 shaqyrym aryq jelisi qaıta jóndelgen. Bul jumystardyń arqasynda sý alý qaýpi 3 ese tómendedi. Byltyr 54 shaqyrym aryq salynsa, bıyl aýdandyq ákimdikter 30 shaqyrym aryq jelisin jóndeýmen aınalysyp jatyr.

«Bul jetkiliksiz, árıne. Bıyl arnaıy baıqaý jarııalanady. Joba boıynsha 370 shaqyrym aryq jelisin salý josparlanyp otyr. Aryq jelilerin ınventarızatsııalaýǵa jarııalanǵan baıqaý bizge túıtkildi tustardy anyqtaýǵa múmkindik beredi. Kelesi jylǵa joba aıaqtalsa, saraptamadan ótkizip, jumysty tolyq bastaımyz», - dedi ol.