FÝTBOLDAN ÁLEM ChEMPIONATY-2022
  Jańalyqtar  >
  Sport

Almatyda ArtSport-ty jyl sońyna deıin jalǵastyrý úshin 7,3 mlrd teńge bólindi

2022 jylǵy 6 qazan, 10:45
Almatyda ArtSport-ty  jyl sońyna deıin jalǵastyrý úshin 7,3 mlrd teńge bólindi

ALMATY. QazAqparat- Almatyda ArtSport baǵdarlamasy jyl sońyna deıin jalǵasady. Oǵan qosymsha qarjy bólindi. Bul týraly qala ákimi Erbolat Dosaev Alataý aýdany turǵyndarymen kezdesý barysynda aıtty, dep habarlaıdy QazAqparat tilshisi.

«Almatynyń Alataý aýdanynda ArtSport baǵdarlamasy boıynsha 15 500 bala qamtylǵan. Qyzmet kórsetýshilerdiń qaryzyn óteý jáne baǵdarlamany jyl sońyna deıin jalǵastyrý úshin ákimdik qosymsha 7,3 mlrd teńge bóldi»,- dedi Erbolat Dosaev.

Buǵan deıin ákimdiktiń ArtSport baǵdarlamasy boıynsha maýsym men tamyz aıynyń sońyna deıin kórsetilgen qyzmetter úshin jetkizýshilerge 2,2 mlrd teńge kóleminde qaryzy bar ekenin jazǵan bolatynbyz.

Qazirgi tańda Almatyda artsport.edu.kz saıtynyń dereginshe, úıirmege 83 myń bala qatysady, onyń 35,5 myńy sportpen jáne 47,5 myńy shyǵarmashylyq aınalysady.

ArtSport baǵdarlamasy boıynsha bıýdjet qarajatyn jymqyrý faktisi anyqtalǵan edi.


Tegı:
Almaty   Ákim   Sport  
Seriktester jańalyqtary

Jańalyqtar