Jańalyqtar  >
  Qoǵam

Almatyda alıment tólemeı qashyp júrgenderge izdeý jarııalandy

2022 jylǵy 3 jeltoqsan, 00:51
Almatyda alıment tólemeı qashyp júrgenderge izdeý jarııalandy

ALMATY. QazAqparat – Almatyda alıment tólemeı qashyp júrgen 120 azamatqa izdeý jarııalandy. Bul týraly Óńirlik kommýnıkatsııalar qyzmetinde ótken baspasóz máslıhatynda qalalyq Ádilet departamentiniń basshysy Abaı Arap aıtty, dep habarlaıdy QazAqparat tilshisi.

Abaı Arap alıment degen bir adamnyń ony alýǵa quqyǵy bar ekinshi tulǵaǵa berýge mindetti aqshalaı nemese materıaldyq qamtamasyz etýi ekenin aıtty. «Alıment óndirip alý týraly 14 myń atqarýshylyq istiń 60% - dan astamy merzimdi óndirip alýda, ıaǵnı sot oryndaýshylary «atqarýshylyq is júrgizý jáne sot oryndaýshylarynyń mártebesi týraly» Zańnyń 93-babynyń negizinde alıment boıynsha ustap qalýdy boryshkerdiń jalaqysynan júrgizedi», - dedi spıker.

Onyń aıtýynsha, alıment óndirýde de qıyndyqtar bar.

«Jyl basynan beri 300-den astam adamdy izdestirgen bolsaq, qazir 120-sy izdeýde. Qalǵandarynyń barlyǵy anyqtalyp, olarǵa májbúrleý sharalary qoldanyldy. ıAǵnı, qylmystyq jáne ákimshilik jaýapqa», - dedi ol.

Buǵan deıin spıker Almatyda alıment tólemegen 81 áke qamaýǵa alynǵany týraly aıtqan bolatyn.


Uqsas jańalyqtar
Tegı:
Almaty   Sot  
Seriktester jańalyqtary

Jańalyqtar