+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Almatyda áleýmettik jobalar qalaı júzege asyrylyp jatyr

2020 jylǵy 6 qyrkúıek 11:57
Bólisińiz:
Almatyda áleýmettik jobalar qalaı júzege asyrylyp jatyr

ALMATY. QazAqparat - Almaty ákiminiń tapsyrmasymen Erjan Babaqumarov áleýmettik jobalardy júzege asyrý boıynsha aýdandyq ákimdikter úshin semınar ótkizdi, dep habarlaıdy QazAqparat.

Almaty qalasynyń ákimi Baqytjan Saǵyntaevtyń tapsyrmasymen onyń orynbasary Erjan Babaqumarov Jetisý aýdanynyń júzege asyrylǵan jobalaryn negizge ala otyryp, aýdandyq ákimderge semınar ótkizdi. Semınarǵa barlyq aýdandardyń ákimderi jáne áleýmettik bloktyń qalalyq basqarmalar basshylary qatysty.

Semınar barysynda Jumyspen qamtýdyń jol kartasy, «Bıýdjetke qatysý» jáne bıznestiń áleýmettik jaýapkershiligi aıasynda sátti júzege asyrylǵan jobalar tanystyryldy. Olardyń ishinde birqatar jobalar kópbalaly jáne az qamtylǵan otbasylardyń balalaryn oqytýdy damytýǵa baǵyttalǵan.

Mysaly, «Shyńǵa órleý» áleýmettik balalar klýby. Klýbqa qatysatyn balalar qyzyǵýshylyqtaryna qaraı: beıneleý óneri, akterlik sheberlik, dombyra, doıby jáne shahmat, vokal, mýzykalyq jáne bı úıirmelerin, emdik dene shynyqtyrýdy jáne óz betinshe daıyndalý saǵattaryn tańdaı alady.

Sonymen birge semınarǵa qatysýshylar mýzykalyq aspapta oınaýdy úıretetin «Dombyra ortalyǵy» memlekettik ortalyǵynyń jumysymen tanysty. Ortalyqta balalarǵa dombyra tartý bir jyl boıy tegin úıretiledi. Atap ótetin jaıt, ortalyq demeýshilik kómektiń arqasynda qyzmet etýde.

Sonymen birge, semınarǵa qatysýshylar Aınabulaq-4 shaǵyn aýdanyndaǵy №24 memlekettik kitaphanaǵa bardy. Jetisý aýdanynyń turǵyndaryna 13 924 kólemindegi kitap qory qoljetimdi bolǵan. Onyń ishinde qazaq tilinde – 6124 kitap, orys tilinde – 7800 kitap bar.

Aýdan ákimderi jáne basqarma basshylary jastardy sportqa tartý jáne salaýatty ómir saltyna tárbıeleý boıynsha júrgizilip jatqan jumyspen tanysty.

Semınarǵa qatysýshylar «Aınabulaq jekpe-jek ortalyǵy» jobasynyń jumysyn uıymdastyrýmen tanysty. Ortalyq 200 sharshy metr aýmaqta ornalasqan. Jetisý aýdany turǵyndarynyń sportqa degen qyzyǵýshylyǵyn arttyrý maqsatynda ortalyqta mynadaı sektsııalar bar: kıkboksıng, karate, dzıýdo, jalpy fızıkalyq daıyndyq, áıelder baǵdarlamasy, aralas jekpe-jek, ıoga, ý-shý sanda.

Ortalyqta qoǵamdyq jumys aıasynda Halyqty jumyspen qamtý ortalyǵy arqyly jumysqa ornalasqan 10 jattyqtyrýshy qyzmet etedi. Jattyǵýlardy qolaıly ótkizý úshin «Aınabulaq jekpe-jek ortalyǵyna» jaryq júrgizilip, 5 boks «grýshasy», 50 sharshy metrge arnalǵan tatamı ornatylǵan. Sonymen birge, táýlik boıy kúzet jáne vıdeobaqylaý jumys isteıdi.

Sonymen birge, qatysýshylar balalarǵa 5 lokatsııa boıynsha fýtboldy úıretetin tegin baǵdarlamamen tanysty. Jobanyń maqsaty – balalardy sportqa tartý, sonymen birge salaýatty ómir saltyn tárbıeleý. Halyqty jumyspen qamtý ortalyǵy arqyly qoǵamdyq jumystarǵa balalarǵa fýtboldy úıretý baǵdarlamasyna bıznestiń áleýmettik jaýapkershiligi aıasynda 10 jattyqtyrýshy joldanǵan.

Sonymen birge, aýdan ákimderi jáne basqarma basshylary úlgili tutynýshy páter ıeleri kooperatıvi jumysyn baǵalady. Atalǵan TPIK 1996 jyly qurylǵan, jalpy sany 576 bolatyn 8 úıge qyzmet kórsetedi.

Semınar sońynda qatysýshylar Ábý Nasyr ál-Farabı eskertkishine bardy. Músin janynda sahna ornalasqan, onda úıirmeler men shyǵarmashylyq klýbtardyń qatysýshylary óner kórsetedi.

Semınar qorytyndysy boıynsha Almaty qalasy ákiminiń orynbasary Erjan Babaqumarov aýdandyq ákimderge Almaty qalasynyń ákimi Baqytjan Saǵyntaevtyń belgilengen oryndarda sátti jáne maquldanǵan tájirıbeni tırajdaý týraly tapsyrmasyn oryndaýda jumysty jedel bastaýdy tapsyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT