Almatyda áleýmettik kómek pýnkti salynyp jatyr
2021 jylǵy 30 qarasha 20:58

Almatyda áleýmettik kómek pýnkti salynyp jatyr

ALMATY. QazAqparat- Almatyda turǵylyqty jeri joq adamdarǵa arnalǵan áleýmettik kómek pýnkti salynyp jatyr, dep habarlaıdy QazAqparat tilshisi.

Alataý aýdanyndaǵy «Tomırıs» shaǵyn aýdanynda belgili bir turaǵy joq adamdarǵa arnalǵan áleýmettik kómek pýnktiniń qurylysy júrgizilip jatyr. Nysannyń s yıymdylyǵy 143 tósek-oryn. Jalpy aýdany 4,5 myń sharshy metr.

«Pýnkttiń qurylysy belgili bir turǵylyqty jeri, kásibi men qarajaty joq adamdarǵa áleýmettik, medıtsınalyq jáne ózge de kómek kórsetý maqsatynda, sondaı-aq halyqtyń sanıtarııalyq-epıdemıologııalyq salaýattylyǵyn qamtamasyz etý jáne Almaty qalasynyń qoǵamdyq tártibin nyǵaıtý úshin kózdeledi», - deıdi Almaty ákiminiń orynbasary Muhıt Ázirbaev brıfıng barysynda.

Sonymen qatar, ol atalǵan mekemeniń basty mindeti - qıyn jaǵdaıǵa tap bolǵan adamǵa tósek-oryn berý ǵana emes, ony beıimdeý jáne qalypty ómirge qaıtarý ekenin tilge tıek etti.


Jańalyqtar

Úrdis

MURAǴAT