Almatyda ákimshilik ǵımarattarǵa shabýyl jasady degen kúdikpen bir top adam ustaldy
NUR-SULTAN. QazAqparat – Almaty qalasyndaǵy memlekettik organdardyń ǵımarattaryna shabýyl jasady degen kúdikpen bir top adam ustaldy. Bul týraly QR Ulttyq qaýipsizdik komıtetinen málim etti, dep habarlaıdy QazAqparat.
«QR Ulttyq qaýipsizdik komıteti 2022 jylǵy 7 aqpanda Almaty qalasynda júrgizgen jedel-izdestirý sharalary nátıjesinde memlekettik organdardyń ákimshilik ǵımarattaryna shabýyl jasady degen kúdikpen bir top adamdy ustady.
Tintý barysynda olardan Kalashnıkov avtomaty, onyń 158 patrony, tankige qarsy qol granataatqyshyna 1 atý jáne 3 snarıad, 2 granata, kelte ańshy myltyǵy jáne elektroshoker tabylyp, tárkilendi.
Ustalǵandardyń biri buryn adam óltirgeni, qaraqshylyq jáne urlyq jasaǵany úshin sottalǵan.
Tergeý jáne jedel is-sharalar jalǵasýda», - dedi QR UQK baspasóz qyzmetinen.
