+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Almatyda adam saýdasy máselesine qatysty arnaıy baıandamanyń tanystyrylymy ótti

2021 jylǵy 23 qyrkúıek 17:04
Bólisińiz:
Almatyda adam saýdasy máselesine qatysty arnaıy baıandamanyń tanystyrylymy ótti

ALMATY. QazAqparat - Almatyda QR Prezıdenti janyndaǵy Adam quqyqtary jónindegi komıssııanyń «Qazaqstan Respýblıkasynda adam saýdasyna qarsy is-qımyl salasynda azamattardyń jáne ózge de adamdardyń áleýmettik-ekonomıkalyq, eńbek, azamattyq jáne mádenı quqyqtaryn qorǵaýdyń ózekti máseleleri» atty arnaıy taldamalyq baıandamasynyń tanystyrylymy ótti, dep habarlaıdy QazAqparat tilshisi.

Jıynǵa memlekettik jáne quqyq qorǵaý organdarynyń basshylary, Almaty qalasynyń bıliktiń atqarýshy, ókiletti jáne sot tarmaqtarynyń ókilderi, quqyqtanýshy ǵalymdar, Qazaqstanda akkredıttelgen halyqaralyq uıymdardyń basshylary men qyzmetkerleri, ÚEU jáne daǵdarys ortalyqtarynyń, advokatýranyń, bilim berý, densaýlyq saqtaý jáne mádenıet, bıznes jáne buqaralyq aqparat quraldarynyń ókilderi qatysty.

Almaty qalasy ákiminiń orynbasary Maqsat Qıqymovtyń quttyqtaý sózinen soń, QR Prezıdenti janyndaǵy Adam quqyqtary jónindegi komıssııanyń tóraǵasy Igor Rogov sóz aldy. Óz sózinde ol tanystyrylyp otyrǵan baıandamanyń mańyzdylyǵyna toqtaldy.

- Búgin biz tanystyryp otyrǵan Arnaıy taldamalyq baıandama Memleket basshysynyń, halyqaralyq jáne ulttyq sarapshylardyń oń baǵasyn alyp, Qazaqstandaǵy Kóshi-qon jónindegi halyqaralyq uıymy mıssııasynyń tehnıkalyq járdemimen qazaq, orys jáne aǵylshyn tilderinde jeke taralymmen basylyp shyqqan. Jalpy, úlken jumystar jasaldy. Bizdiń sarapshylar sheteldiń tájirıbesin zerttedi, - dedi Igor Rogov. Óz sózinde ol memlekettik organdardyń adam saýdasyna qarsy kúres salasyndaǵy daǵdarys ortalyqtarymen jáne Qazaqstanda ýaqytsha júrip-turatyn, Qazaqstan Respýblıkasynyń aýmaǵynda adam saýdasynyń qurbany bolǵan sheteldik azamattar men azamattyǵy joq adamdarǵa arnaýly áleýmettik qyzmetter kórsetý salasynda ózara is-qımyl tetikterin nyǵaıtýdyń mańyzy zor ekenin aıtty.

Ortalyq Azııadaǵy kóshi-qon jónindegi halyqaralyq uıymy úılestirýshisiniń mindetin atqarýshy Evgenıı Honnyń aıtýynsha, Ortalyq Azııadaǵy Kóshi-qon jónindegi halyqaralyq uıymy Qazaqstan Úkimetimen birlese 2002 jyldan beri jumys istep, óz kómegin kórsetip keledi. «Osy ýaqyt ishinde úlken jetistikterge qol jetti. Alaıda, bul jetistikterge qaramastan, áli sheshimin kútip jatqan máseleler kóp. Solardyń biri – adam saýdasy. Osy oraıda, búgingi jıyn barlyq múddeli taraptardyń baıandamadaǵy usynymdardy birlese iske asyrýdyń sátti mysaly dep oılaımyn»,- dedi ol.

Almaty qalasy Polıtsııa departamentiniń bastyǵynyń orynbasary Rýstam Abdrahmanov jıynda kóterilip otyrǵan máseleniń ózekti ekenin aıta kele, polıtsııa departamentinde zańsyz kóshi-qon men adam saýdasy faktilerin bolyrmaý úshin másele muqııat baqylaýda ekenin jetkizdi.

Baıandama tanystyrylymyna arnalǵan jıynnyń 2-shi bóliminde komıssııa músheleri men sarapshylary Tastemir Ábishev, Vıtalıı Voronov, Zúlfııa Baısaqova, Saltanat Syzdyqova, Álııa Belonosova jáne Jumajan Joldasbekov baıandamanyiń negizgi erejelerimen tanystyrdy.

Tanystyrylym barysynda baıandamada Qazaqstan ratıfıkatsııalaǵan halyqaralyq sharttardyń normalaryna sáıkes qaýqarsyz eńbekshi-mıgranttar men barlyq sanattaǵy adam saýdasy qurbandarynyń quqyqtaryn qorǵaý salasyndaǵy ulttyq zańnama men quqyq qoldaný praktıkasyna salystyrmaly taldaý; ýákiletti memlekettik organdardyń qyzmetin baǵalaý; Konstıtýtsııa normalary men halyqaralyq standarttarǵa sáıkes adam saýdasy qurbandarynyń azamattyq, áleýmettik-ekonomıkalyq, eńbek jáne mádenı quqyqtaryn qorǵaý tetikterin odan ári jetildirý jónindegi naqty qadamdar qamtylǵany atap ótildi.

Sonymen birge, tanystyrylymda sóz sóılegen sarapshylar Adam quqyqtary jónindegi komıssııanyń arnaıy baıandamasynyń erejelerine joǵary baǵa berip, onyń usynymdaryn Qazaqstan Respýblıkasynyń Úkimeti men Parlamenti is júzinde asyra bastaǵanyn atap ótti.


Bizdiń kanalymyzǵa jazylyńyz:

Bólisińiz:

Avtor:

Dýman Arǵyngeldi

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT