Qoldanwşı baptawları
Qoldanwşı baptawları
+7 (701) 759 90 19 Lenta
Astana: 14 °S
Almatı: 18 °S
USD 340.27 EUR 396.31
RUB 5.39 CNY 52.39
Jañalıqtar

Almatıda Äbіlyazovtıñ sıbaylastarı ustaldı

2017 jılğı 8 jeltoqsan 02:31 2307
Bölіsіñіz:
Almatıda Äbіlyazovtıñ sıbaylastarı ustaldı

ASTANA. QazAqparat - Almatıda Sıbaylas jemqorlıqqa qarsı іs-qïmıl ulttıq byurosınıñ vedomstvoaralıq jedel tergew tobı men Ulttıq qawіpsіzdіk komïtetіnіñ ökіlderі bankïr Muxtar Äbіlyazovtıñ sıbaylastarı bolwı mümkіn dep küdіk keltіrіlіp otırğan 4 adamdı ustadı. Bul twralı QR Memlekettіk qızmet іsterі jäne sıbaylas jemqorlıqqa qarsı іs-qïmıl agenttіgіnіñ Sıbaylas jemqorlıqqa qarsı іs-qïmıl byurosı xabarladı.

Almatıda 13 qaraşa künі Sıbaylas jemqorlıqqa qarsı іs-qïmıl ulttıq byurosınıñ vedomstvoaralıq jedel tergew tobı men Ulttıq qawіpsіzdіk komïtetіnіñ ökіlderі QR Qılmıstıq Kodeksіnіñ 189-şı (urlaw) jäne 193-şі (zañdastırw) babımen qarastırılğan qılmıstıq äreketterdі jasadı degen küdіkpen Ï.Erіmbetov, V.Sokolenko, D.Pestov pen M.Zorov attı azamattardı ustadı.

Atalğan azamattar men olar basqaratın kompanïyalardıñ Äbіlyazovtıñ bankten urlağan 50 mln dollardan astam qarjısın zañdastırw іsіne qatısı bolwı mümkіn degen küdіkpen sotqa deyіngі tergew şaraları bastaldı.

Tergewşіler sonday-aq Ï.Erіmbetovke özіnіñ baqılawındağı «SKY SERVISE» JŞS-sı arqılı 1 mlrd teñgege jwıq byudjet qarjısın jımqırdı degen küdіk keltіrіp otır. Sonday-aq Erіmbetov pen onıñ sıbaylastarı qazaqstandıq quqıq qorğaw organınıñ ökіlderіnen qaşıp, şetelde boy tasalap jürgen azamattardıñ müddesі üşіn bіrlesіp äreket etken.

Olardıñ bіrі osı kezde Belgïyada jürgen Erіmbetovtıñ twğan äpkesі - Botagöz Djardemalï. Ol Muxtar Äbіlyazovtıñ keñesşіsі jäne qoldawşısı. Djardemalïdіñ «BTA bank» tarapınan 500 mln AQŞ dolları kölemіndegі qaytarımsız nesïe berw іsіne tіkeley qatısı bar. 2013 jılı oğan QR Qılmıstıq kodeksіnіñ 28, 176 jäne 220 baptarında qarastırılğan qılmıstıq äreketterdі (senіp tapsırılğan mülіktі uyımdasqan qılmıstıq toptıñ kömegіmen іrі kölemde ïemdenіp alw nemese talan-tarajğa salw) іske asırdı degen ayıp tağılıp, xalıqaralıq іzdew jarïyalanğan bolatın.

QR QPK-nіñ 128 babı boyınşa Erіmbetov, Pestov, Sokolenko jäne Zorov Almatı qalalıq Іşkі іster departamentіnіñ tergew ïzolyatorına qamaldı. Sot olardı qamawğa alwğa jäne mülіkterіne toqtam salwğa sankcïya berdі.

«Tergew qızmetі Erіmbetov, Pestov, Sokolenko men Zorovtıñ bіlіktі qorğaw şaralarımen qamtamasız etіlіp, qamawda bolw talaptarınıñ tolıq saqtalğandığın resmï türde jarïya ettі. Processwaldıq normalardı buzw jönіnde şağımdar küdіktіlerden de olardıñ qorğawşılarınan da tüsken joq. Olarğa eşqanday qısım körsetіlgen joq jäne olar tergew jumıstarına belsendі kömek körsetwde»,-delіngen xabarlamada.

«Jalpı qaşqın qılmıskerler M.Äbіlyazov pen B.Djardemalïdіñ twğan-twıstarı men küdіktіlerdі jäne özderіne bağınıştı azamattardı paydalanw arqılı tergew şaraların ädeyі burmalawı, onı sayasïlandırwğa degen talpınısı olardıñ jawapkerşіlіkten jaltarwğa degen kezektі umtılısı bolıp tabıladı»,-deydі Ulttıq byuro ökіlderі.

 

 


Bölіsіñіz:

Awdarma:

Aydar Ospanalïev

Onlayn qızmetkerler
Redaktor
Janïbek Amangeldï
Janïbek Amangeldï
954-059
Redaktor
Erbol Janat
Erbol Janat
954-059
Murağat