Almatyda Abaı dańǵyly ýaqytsha jabylady
2022 jylǵy 14 mamyr 13:19

Almatyda Abaı dańǵyly ýaqytsha jabylady

ALMATY. QazAqparat - Jol jóndeý jumystaryna baılanysty Abaı dańǵylynyń bir bóliginde kólik qozǵalysy toqtatylady, dep habarlaıdy QazAqparat tilshisi.

14 mamyr saǵat 22:00-den 15 mamyr saǵat 06:00-ge deıin Abaı dańǵylynyń Altynsarın kóshesinen Saın kóshesine deıingi bóliginiń ońtústik betinde kólik qozǵalysy ýaqytsha shekteledi.

«Atalǵan bóliktiń, ıaǵnı Abaı dańǵylynyń Altynsarın kóshesinen Saın kóshesine deıingi bóliginiń soltústik betinde de jol jóndeý jumystary júredi. 15 mamyr saǵat 22:00-den 16 mamyr saǵat 06:00-ge deıin jol ýaqytsha jabylady. Bul shara ortasha jol jóndeý jumystary aıasynda josparlanǵan», - dep habarlaıdy Almaty qalalyq ákimdiginiń baspasóz qyzmeti.

Mamandar qala turǵyndaryna jol júrý baǵyttaryn aldyn ala josparlap alýǵa keńes berdi.

Buǵan deıin habarlaǵanymyzdaı, eki jigit Almaty zoobaǵyndaǵy jolbarysty yzalandyrdy.



Uqsas jańalyqtar
Avtor:
Tilshi

Jańalyqtar

MURAǴAT