+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Almatyda 70 myńnan astam oqýshyǵa kompıýter men noýtbýk beriledi

2020 jylǵy 12 tamyz 22:14
Bólisińiz:
Almatyda 70 myńnan astam oqýshyǵa kompıýter men noýtbýk beriledi

ALMATY. QazAqparat - Almaty ákimi Baqytjan Saǵyntaev jańa oqý jylyna daıyndyq máselesi týraly aıtty, dep habarlaıdy QazAqparat tilshisi.

«Halyqtyń qarqyndy kóship-qonýy men balalardyń týý deńgeıiniń ulǵaıýyna oraı Almatyda oqýshylar sany jyl saıyn orta eseppen 12 myńǵa artyp otyr. Byltyrǵy oqý jylynda oqýshylardyń jalpy sany 17 myńnan astam balaǵa ósti. Búgingi tańda 30 myń oqýshyǵa oryn tapshy. Sondyqtan byltyr mektep qurylystaryn jedeldetý qarqyndy júrgizildi. Bıyl 1 qyrkúıekte Áýezov jáne Túrksib aýdandarynda 1800 oryndy eki jańa mektep ashylady. Sonymen qatar, qala mektepteriniń janynan 3642 oryndy segiz qosalqy ǵımarat salynyp jatyr. Bulardan bólek, «Jumyspen qamtýdyń Jol kartasy - 2020» baǵdarlamasy boıynsha 13 200 oryndy toǵyz mektep, mektepter janynan 6550 oryndy 13 qosalqy ǵımarat salý josparlanǵan. Memlekettik-jekelik áriptestik aıasynda 5700 oryndy bes mektep salý usynyldy. Osylaısha, 2021 jyldyń sońyna deıin oqýshy ornynyń tapshylyǵy 83%-ke qysqaratyn bolady», - dedi B. Saǵyntaev «Almaty» telearnasynyń tikeleı efırinde.

Almaty ákimi koronavırýs ınfektsııasynyń indetine baılanysty balalar men muǵalimderdiń densaýlyǵyn saqtaý maqsatynda QR BǴM epıdemıologııalyq ahýal jaqsarǵanǵa deıin qashyqtan oqytý týraly sheshim qabyldaǵanyn eske saldy.

Burynǵy oqý formatyna kezeń boıynsha kóshý josparlanǵan. Shtatty rejımge birinshi kezeńde 1-5 synyp oqýshylary, ekinshi kezeńde 6-11 synyp oqýshylary kóshedi ári sanıtarlyq qaýipsizdiktiń pármendi sharalary qamtamasyz etiletin bolady.

B. Saǵyntaev birinshi kezekte az qamtylǵan otbasylar balalaryn kompıýterlik tehnıkamen qamtamasyz etýge erekshe kóńil bólinetinin aıtty.

Júrgizilgen monıtorıng nátıjesi boıynsha 70 myńnan astam adamǵa, onyń ishinde oqýshylar men muǵalimderge kompıýterler men noýtbýktar beriletin bolady.

«Budan ózge, ınternetke qoljetkizý jáne mobıldi baılanys nashar aımaqtarǵa monıtorıng júrgizildi. Uıaly baılanys operatorlary ornatatyn qosymsha taratýshy antennalardyń orny anyqtaldy», - dedi Almaty ákimi.


Bizdiń kanalymyzǵa jazylyńyz:

#Almaty   #Ákim   #Bilim  
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT