+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Almatyda 600 myńǵa jýyq adamnyń járdemaqysy men zeınetaqysy ósti

2020 jylǵy 8 sáýir 15:45
Bólisińiz:
Almatyda 600 myńǵa jýyq adamnyń járdemaqysy men zeınetaqysy ósti

ALMATY. QazAqparat – Almatyda 589 177 adamnyń járdemaqysy 1 sáýirden bastap 5 %-ǵa ósti. Bul týraly Eńbek, áleýmettik qorǵaý jáne kóshi-qon komıteti Almaty departamentiniń basshysy Aıdynjan Narmatov aıtty, dep habarlaıdy QazAqparat tilshisi.

«QR Prezıdenti Q.Toqaevtyń zeınetaqy men memlekettik járdemaqyny jyldyq mándegi 10 paıyzǵa ındeksatsııalaý týraly tapsyrmasyn oryndaý jáne QR 2020-2022 jyldarǵa arnalǵan «QR Respýblıkalyq bıýdjet týraly zańyna ózgerister men tolyqtyrýlar engizý týraly» Zańy sheńberinde 2020 jyldyń 1 sáýirinen bastap aılyq eseptik kórsetkish – 2 778 tg boldy. Sáıkesinshe, eń tómengi zeınetaqy 40441 teńge, bazalyq zeınetaqy tóleminiń eń tómengi mólsheri - 17 641 teńge, eń tómengi kúnkóris mólsheri - 32 668 teńge, eń tómengi jalaqy mólsheri 42500 teńge boldy. Almaty boıynsha 589 177 adamnyń járdemaqysy men zeınetaqysy jyldyq máninde 10 paıyzǵa ósetin boldy. Onyń 230 myńy jasyna qaraı zeınetaqy alatyn adamdar. Qalǵany múgedek bala baǵyp otyrǵandar, asyraýshysynan aırylǵan adamdar, kópbalaly otbasylar, múgedekter. Osy azamattardyń barlyǵy jyldyq mándegi 10 %-ǵa qosymsha ústemeaqy alatyn boldy. Bizde olardyń tizimderi bar», - dedi Aıdynjan Narmatov onlaın brıfıng barysynda.

Onyń aıtýynsha, ústemeaqyǵa qol jetkizý úshin esh jaqqa barýdyń keregi joq. Tıisti tulǵalarǵa avtomatty túrde kóteriletin bolady.

«Kóterilgen zeınetaqy men járdemaqyny turǵyndar mamyr aıynda alatyn bolady»,- dedi A.Narmatov.

Onyń aıtýynsha, 2020 jyldyń 1 qańtarynan bastap zeınetaqy men járdemaqy 5 %-ǵa ósken bolatyn. Endi 1 sáýirden bastap taǵy 5 %-ǵa kóterilip jatyr. Sonda zeınetaqy men járdemaqy mólsheri jyldyq máninde 10 %-ǵa ósip otyr.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT