Almatyda 58 kásipkerlik nysan karantın talaptaryn buzǵany anyqtaldy

ALMATY. QazAqparat - Almatyda monıtorıng toptarynyń jumysy kúsheıtildi: eki táýlik ishinde 58 kásipkerlik nysanynda karantındik sharalardyń buzylýy anyqtaldy, dep habarlaıdy QazAqparat.

Uqsas jańalyqtar

Máskeýde 65 jastan asqandar men sozylmaly aýrýy bar adamdardy oqshaýlaý rejımi alyndy

ShQO-da karantın talaptaryn buzýshylar azaımaı tur ShQO-da shekteý sharalary 20 naýryzǵa deıin uzartyldy Ashyq qosymshasy arqyly tekseriletin JSN málimetteri qaıda jiberiledi

Quramyna aýdan ákimdikteriniń, jergilikti polıtsııa qyzmetiniń qyzmetkerleri, sondaı-aq «Atameken» kásipkerler palatasynyń ókilderi kiretin monıtorıng toptary kásipkerlik nysandary boıynsha karantındik rejım talaptarynyń buzylý faktilerin anyqtaý jáne jolyn kesý, koronavırýstyq ınfektsııanyń taralýyna jol bermeý úshin qoldanystaǵy sharalardyń qajettiligin túsindirý maqsatynda aǵymdaǵy jylǵy 22-24 qańtar aralyǵynda aýdandardy aralap shyqty.

Monıtorıng barysynda 370 nysan tekserildi. 58 nysannan tártipbuzýshylyq anyqtaldy.

Barlyq materıaldar ákimshilik sharalar qabyldaý úshin berildi. Shekteý sharalary men sanıtarlyq erejelerdi júıeli túrde (2-3 ret) jáne qasaqana buzý faktileri anyqtalǵan jaǵdaıda materıaldar ÁQBtK-niń 462-babynyń 3-bóligi boıynsha quqyq buzýshylardy jaýapqa tartý jáne sotqa berip, is qozǵaý úshin aýmaqtyq prokýrorlarǵa beriledi. Zańnamaǵa sáıkes, quqyq buzýshylarǵa jaýapkershilik retinde uıymnyń qyzmetin toqtatýǵa deıin qarastyrylǵan.