Almatyda 500 adamdyq jańa emhana salynady
2022 jylǵy 23 maýsym 19:00

Almatyda 500 adamdyq jańa emhana salynady

ALMATY. QazAqparat - Almatynyń Almaly aýdanynda 500 adamǵa arnalǵan emhana salynady. Bul týraly qala ákimi Erbolat Dosaev turǵyndarmen kezdesý kezinde aıtty, dep habarlaıdy QazAqparat tilshisi.

Onyń aıtýynsha, Almaly aýdany densaýlyq saqtaýdyń sapaly júıesiniń ortalyǵy bolǵandyqtan, mundaǵy emhanaǵa qalanyń jáne oblystyń basqa aýdandarynyń turǵyndary tirkelýge umtylady.

«443 myń adam turatyn aýdanda jaqyn mańdaǵy Bostandyq, Jetisý jáne Túrksib aýdandarynyń turǵyndarynyń tirkelýine baılanysty aýdannyń 18 emhanasy 2 esege artyq patsıentterge qyzmet kórsetýde. Sondyqtan bul máseleni sheshý úshin búginde 1947 jyly salynǵan eski ǵımaratty buzyp, revmatologııa ortalyǵynyń ornynda 500 kelýshige arnalǵan jańa emhana qurylysynyń jobalaý-smetalyq qujattamasy ázirlenip jatyr. Oǵan qarajat bólindi», - dedi Almaty ákimi Erbolat Dosaev.

Qurylysty 2024 jyly bastaý josparlanyp otyr.

Sondaı-aq, Raıymbek dańǵyly boıynda psıhıkalyq damýy tejelgen balalarǵa arnalǵan basseıni bar sport ortalyǵyn salýǵa JSQ ázirleý josparlanýda.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT