Almatyda 5 qabatty úılerdiń janynan kópqabatty úı salynbaıtyn boldy
2022 jylǵy 23 maýsym 20:59

Almatyda 5 qabatty úılerdiń janynan kópqabatty úı salynbaıtyn boldy

ALMATY. QazAqparat - Almaty ákimimen kezdesýde Almaly aýdanynyń turǵyny qurylys máselesin kóterdi. Ol Nurmaqov kóshesiniń boıynda 5 qabatty úılerdiń janynan kópqabatty turǵyn úı keshenin qurylysy bastalǵaly jatqanyn aıtyp shaǵymdany, dep habarlaıdy QazAqparat tilshisi.

«Toqtaýsyz salynyp jatqan qurylys jan-jaǵymyzdan qysyp bitti. Úıimizdiń qasyndaǵy turǵyn úıdiń qabatyn azaıtýdy surap edik, ol da oryndalmady. Qazir 12 qabatty úı turǵyzyldy. Sonymen qatar, Nurmaqov 150 mekenjaıynda úıimizge qarama-qarsy bos jer bar, sol jerge saıabaq salyp berýdi de aıtyp kelemiz. Biraq onda da kópqabatty úı boı kóterdi. Endi merdiger janymyzdaǵy 2 ýchaskeni satyp almaqshy eken. Ony toqtatý múmkin emes sııaqty», – dedi qala basshysymen kezdesýge kelgen Almaly aýdanynyń turǵyny.

Almaty ákimi Erbolat Dosaev ol jerge barǵanyn aıtty.

«Men ol jerdi baryp kórdim. 2 ýchaskege de qala tarapynan ruqsat berilgen joq. Olar bizdi habardar etpedi. Kim satyp alsa da, Nurmaqov kóshesine ǵımarat salynbaıdy», – dedi Almaty qalasynyń ákimi Erbolat Dosaev.

Buǵan deıin shahar basshysy Almatynyń joǵary bóliginde 9 qabattan joǵary ǵımarattar salynbaıtynyn aıtqan bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT