+7 (701) 759 90 19 Lenta
USD 389.52 EUR 429.21
RUB 6.07 CNY 54.94
Jańalyqtar

Almatyda 180 dinı birlestik jumys isteıdi

2019 jylǵy 21 qyrkúıek 16:01
Bólisińiz:
Almatyda 180 dinı birlestik jumys isteıdi

ALMATY. QazAqparat- Almaty qalalyq Dinı birlestikter basshylary klýby osydan úsh jyl buryn Qoǵamdyq damý basqarmasynyń qoldaýymen qurylǵan. Maqsaty – dinı birlestikter músheleri arasynda qarym-qatynasty kúsheıtip, beıbitshilik, yntymaqty nasıhattaý, dep habarlaıdy QazAqparat tilshisi.

Uqsas jańalyqtar
Din - tárbıeniń rýhanı tiregi Din men dástúr - egiz uǵym Aqtóbede balalarǵa dinı kitap taratqan uıym izdestirilip jatyr

Almaty qalasyndaǵy dinı birlestikter klýbynyń basshysy Kákimjan Bıshmanovtyń aıtýynsha, klýb jumysynyń maqsaty – túrli senimder men dinderdi ustanýshylar arasynda konfessııaaralyq jáne dinaralyq dıalog pen kelisimdi saqtaý jáne nyǵaıtý; ózara túsinisýshilikti, syılastyq pen seriktestikti damytý, memleket basshysynyń Rýhanı jańǵyrý baǵdarlamasynda kórsetilgen is- sharalardy júzege asyrý.

«Klýbtyń mindeti memlekettik-konfessııaaralyq qatynastardaǵy ózekti taqyryptardy talqylaý úshin dinı birlestikter basshylarynyń aı saıynǵy jıynyn ótkizý. Klýb músheleriniń múmkin bolatyn qyzmet salasy dinı senim bostandyǵyndaǵy, qoǵamdaǵy rýhanı kelisimdi nyǵaıtýdaǵy jáne konfessııaaralyq qatynastardy úılestirýdegi Qazaqstan Respýblıkasy azamattarynyń quqyqtaryn qamtamasyz etý salasynda memlekettik saıasat máselesi boıynsha usynystar men usynymdar ázirleý bolyp tabylady»,-deıdi Kákimjan Bıshmanov.

Klýb músheleri Qazaqstan halqy Assambleıasynyń jumysyna qatysyp, dinı senim bostandyǵy týraly zańnamany jetildirý boıynsha usynystar jasaı alady. Qazirgi ýaqytta klýb quramyna ár túrli dinı birlestikterdiń 40 ókili kiredi.

«Klýb memlekettik saıasattyń negizgi konfescııaaralyq jáne ishki konfessııalyq qatynastar salasyndaǵy prıntsıpterdi túsindirý boıynsha etno-mádenı ortalyq ókilderimen kezdesýler uıymdastyramyz. Klýb músheleri kóptegen is sharalar ótkizedi. Mysaly, 1931-1933 jyldardaǵy jappaı asharshylyq qurbandaryna arnalǵan eskertkishke gúl shoqtaryn qoıýdy dástúrge aınaldyrdyq. «Astananyń 20 jyldyǵyna» arnalǵan dóńgelek ústel ótti. Qazaqstan Respýblıkasynyń Konstıtýtsııasy kúnine arnalǵan konferentsııaǵa qatysty. Almatydaǵy dinı uıymdar arasynda ústel tennısinen týrnır ótti. Dinı merekelerdi atap ótemiz»,- dep qortyndylady klýb jetekshisi.

Klýb basshysy atap ótkendeı, Almaty qalasynyń dinı birlestikter jetekshileri Qazaqstannyń Din týraly zańyn ázirleý barysynda kóp úles qosqan.

Atalǵan klýb – Almaty qalasy qoǵamdyq damý basqarmasy janynan qurylǵan erikti túrde keńes berý uıymy. Qazirgi tańda Almatyda 17 konfessııa men 180 dinı birlestik bar. 112 dinı ǵımarat qyzmet kórsetýde. 4 rýhanı oqý ortalyǵy jumys isteıdi.

Bizdiń kanalymyzǵa jazylyńyz:

Basty sózder: Almaty, Din,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT