Valıýta baǵamdary:
    usd/kzt 477.98 eur/kzt 488.93

    rub/kzt 7.93 cny/kzt 70.82
Aýa raıy:
Nur-Sultan: 1 °S
Almaty: 15 °S

Almatyda 15 órt sóndirý deposy jetispeıdi – Erbolat Dosaev

2022 jylǵy 30 maýsym 10:13

ALMATY. QazAqparat - Órt sóndirý brıgadasy oqıǵa ornyna tez jetip, shuǵyl shara qoldaný úshin depolardyń jaǵdaıyn jaqsartý kerek.

Bul týraly Almaty ákimi Túrksib aýdany turǵyndarymen kezdesý barysynda aıtty, dep habarlaıdy QazAqparat tilshisi.

Shahar basshysymen kezdesýge arnaıy kelgen Túrksib aýdanynyń turǵyny órt sóndirýshilerdiń jumysyna shaǵymdandy.

«27 maýsym kúni «Jas qanat» shaǵynaýdanynda úı órtendi. Órt sóndirý brıgadasy oqıǵa ornyna 25 mınýt degende áreń jetti. Ol ýaqytta úı janyp, tóbesi opyrylyp tústi. Mundaı tótenshe jaǵdaı kezinde qutqarýshylar, polıtsııa, jedel járdem qyzmetkerleri alǵashqylardyń biri bolyp sol jerden tabylý kerek edi, ókinshike oraı, olaı bolmady»,- deıdi Túrksib aýdanynyń turǵyny.

Óz kezeginde Erbolat Dosaev jańa shaǵynaýdandardyń ashylýyna baılanysty órt sóndirý depolary jetispeı jatqanyn aıtty.

«Almatyda jańa aýdandardyń paıda bolýyna baılanysty 15 órt sóndirý deposy jetispeıdi. Qazir depolar boıynsha joba daıyndalyp jatyr. Sonymen qatar, órt sóndirý brıgadasy oqıǵa ornyna tez jetip, shuǵyl shara qoldaný úshin depolardyń jaǵdaıyn jaqsartý kerek»,- dedi Almaty ákimi.

Aıta keteıik, byltyr jeltoqsan aıynda Almatyda jańa órt sóndirý deposy ashylǵan bolatyn.


Avtor:

Alma Muqanova

Novostı po teme
Uqsas jańalyqtar