+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatyda 100-ge jýyq adam jınalǵan toıdy ótkizýge ruqsat bergen toıhana ıesi jazalandy

2020 jylǵy 16 shilde 11:45
Bólisińiz:
Almatyda 100-ge jýyq adam jınalǵan toıdy ótkizýge ruqsat bergen toıhana ıesi jazalandy

NUR-SULTAN. QazAqparat – QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev karantın rejımine qalaı monıtorıng júrgizilip jatqanyn aıtty, dep habarlaıdy QazAqparat tilshisi.

Uqsas jańalyqtar
Atyraýda saıabaqtar men jaǵalaýǵa barýǵa tyıym salyndy Batys Qazaqstan oblysynda shekteý sharalary uzartyldy Baıqońyrda karantın taǵy bir aptaǵa sozyldy

«Óńirlerdiń ákimdikteri QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń aýmaqtyq departamentterimen jáne quqyq qorǵaý organdarymen birge monıtorıng toptaryn qurǵan bolatyn. Onyń maqsaty – epıdemııaǵa qarsy jáne karantın sharalaryn baqylaýdy qamtamasyz etý. 5-14 shilde aralyǵynda aımaqtyq monıtorıng toptary karantın ýaqytynda jumys istep turǵan 16 572 nysandy tekserdi. Zańbuzýshylyqqa jol bergen 1 617 nysan anyqtaldy.

Aıta keterligi, nysandarǵa tekserýge alǵash barǵan kezde tájirıbe esepke alynyp, ınfektsııalyq aýrýlarǵa qarsy sanıtarlyq jáne aǵartý jumysyna basa mańyz beriledi. Monıtorıng toptary osy rette eń aldymen túsindirý jumystaryna basa den qoıdy», - dedi Tımýr Sultanǵazıev OKQ-da ótken baspasóz máslıhatynda.

Monıtorıng toptarynyń jumysynyń nátıjesinde eskertýler boıynsha kemshilikterdi túzegenge deıin 564 uıym jumysyn óz erikterimen toqtatqan.

«QR ÁQBK-nyń 425-babynda qarastyrylǵan zańdy buzǵany úshin 5 shildeden beri 225 hattama toltyryldy. Máselen saýda nysandarynda, qoǵamdyq tamaqtaný oryndarynda erejeler jıi buzylyp jatady. Atap aıtqanda adamdar maska kımeıdi, áleýmettik qashyqtyq saqtalmaıdy, termometrııa júrgizilmeıdi», - dedi ol.

Mysaly Aqmola oblysynda aýmaǵy 500 sharshy metrlik saýda nysany ruqsat bolmaǵanyna qaramastan jumysyn jalǵastyra bergen. Onyń ıesine 638 myń teńge aıyppul salynǵan. Sol sekildi Semeıde «Álem» saýda úıi men «Voshod» bazaryna karantın ýaqytynda jumys júrgizgeni úshin ıelerine aıyppul salynǵan. Qostanaı oblysynda karantın ýaqytynda jumysyn jalǵastyrǵan saýda nysanyndaǵy personalda maska da, medıtsınalyq qolǵap ta, antıseptık te bolmaǵan. Almatyda ujymdyq banketterdi anyqtaý barysynda ótkizilmeýi tıis toıdyń bolyp jatqany anyqtalǵan. Oǵan 100 adamǵa jýyq adam qatysqan. Osyǵan baılanysty toıhana ıesine aıyppul salynǵan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT