USD 434.34 EUR 491.93
RUB 5.56 CNY 68.67
Jańalyqtar

Almatyda 1 shildeden bastap óndirýshi nemese satýshy emes, ónimniń ózi tekseriledi

2021 jylǵy 12 mamyr 14:38
Bólisińiz:
Almatyda 1 shildeden bastap óndirýshi nemese satýshy emes, ónimniń ózi tekseriledi

ALMATY. QazAqparat - Almaty qalasy tehnıkalyq retteý jáne metrologııa komıtetiniń departament basshysy Saýyqbek Qapaev onlaın brıfıngte «Tehnıkalyq retteý týraly» zańnyń jańa redaktsııasy týraly aıtyp berdi, dep habarlaıdy QazAqparat tilshisi.

Saýyqbek Qapaevtyń aıtýynsha, sýbektilerdi baqylaýdan obektilerdi baqylaýǵa kóshý jańashyldyq bolamaq. Endi óndirýshi nemese satýshy emes, ónimniń ózi tekseriledi.

Bul úshin zerthanalyq synaqtar júrgizý maqsatynda qaýipsiz emes ónimniń úlgilerin irikteý rásimi engiziledi.

«Negizgi mindet - QR naryǵyn qaýipsiz emes jáne sapasyz ónimnen qorǵaıtyn zań qabyldaý boldy. Sondaı-aq, baqylaý is-sharalaryn júzege asyrý kezinde olarǵa artyq júkteme kórsetpeı, otandyq taýar óndirýshilerdi qoldaý tetikterin engizý», - dep túsindirdi Saýyqbek Qapaev.

Sonymen qatar, ol byltyr 83 tekserý júrgizilgenin atap ótti.

Onyń ishinde 50 jaǵdaıda tehnıkalyq retteý, akkredıtteý jáne ólshem birligin qamtamasyz etý salasyndaǵy zańnamany buzý faktileri anyqtaldy, bul tekserýlerdiń jalpy sanynyń 60% qurady.

Memlekettik baqylaý qorytyndysy boıynsha tártip buzýshylarǵa jalpy somasy 18 567 642 teńgege ákimshilik aıyppul salyndy.

Tekserý nátıjesi boıynsha anyqtalǵan buzýshylyqtardy joıý jóninde nusqama berildi.

«Tekserý nátıjesi boıynsha 5087 sáıkestik sertıfıkaty, 4231 sáıkestik týraly deklaratsııa, 1562 tekserý týraly sertıfıkattar qaıtarylyp alyndy jáne qoldanysy toqtatyldy, barlyǵy - 21254 ólshem quraldary, onyń ishinde qoldanýǵa jaramsyz-589 birlik, sondaı-aq ólshem quraldaryn 1 salystyryp tekserýshiniń sertıfıkaty, 5 927 850 teńge somasyna ákimshilik aıyppul sala otyryp, 6 aı merzimge sarapshy – aýdıtorlardyń 23 attestaty toqtatyldy»,-dedi spıker.

Onyń aıtýynsha, baqylaý jáne qadaǵalaý sýbektisine barmaı-aq, profılaktıkalyq baqylaý jáne qadaǵalaý retinde tekserýdiń jańa túrimen tolyqtyryldy.

«Eger ótkizilgen zerthanalyq synaqtardyń nátıjeleri boıynsha ónimniń tehnıkalyq reglamentterdiń talaptaryna sáıkes kelmeıtini rastalsa jáne qaýipsiz emes dep tanylsa ǵana ónim alynady», - dep naqtylady ol.

Eske salaıyq, 2020 jyldyń 30 jeltoqsanynda osy zańnyń jańa redaktsııasy qabyldandy.

Ol 1 shildeden bastap kúshine enedi.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT