Almatyda 1 mıllıon dollarǵa jýyq jalǵan qarjy joıyldy
2021 jylǵy 7 jeltoqsan 19:22

Almatyda 1 mıllıon dollarǵa jýyq jalǵan qarjy joıyldy

ALMATY. QazAqparat - QR Qarjylyq monıtorıng agenttigi Almaty qalasy boıynsha aýmaqtyq departamentiniń qyzmetkerleri Almatyda asa iri mólsherde jalǵan shetel valıýtasyn joıdy, dep habarlaıdy QazAqparat tilshisi.

Agenttiktiń baspasóz qyzmetinde málimdegendeı, shetel valıýtasy 2020 jyldyń sońynda jedel izdestirý is-sharalary barysynda anyqtalǵan.
Jedel-izdestirý sharasy barysynda qala turǵyny T.Qalıev 293 myń AQSh dollary somasynda jalǵan kýpıýralardy ótkizý kezinde ustalǵan.
«Tergeý málimetine sáıkes, T.Qalıev 2020 jyldyń qyrkúıekten qarasha aıyna deıin nomınaly 100 AQSh dollary bolatyn jalǵan shetel valıýtasyn birneshe ret satqan.
Tintý nátıjesinde zańsyz aınalymnan 975 myńnan astam jalǵan dollar tárkilendi.
Sot úkimimen T. Qalıevke 6 jylǵa bas bostandyǵynan aıyrý jazasy taǵaıyndaldy»,- dep málimdedi QR Qarjylyq monıtorıng agenttigi Almaty qalasy boıynsha aýmaqtyq departamentiniń baspasóz qyzmetinde.


Jańalyqtar

Úrdis

MURAǴAT