Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.34 EUR 427.25
RUB 5.88 CNY 54.57
Jańalyqtar

Almaty zoobaǵyndaǵy eń qartań aq aıýdyń qazirgi jaǵdaıy qandaı

2019 jylǵy 21 shilde 18:07 379
Bólisińiz:
Almaty zoobaǵyndaǵy eń qartań aq aıýdyń qazirgi jaǵdaıy qandaı

ALMATY. QazAqparat- Alkor nemese Kolıa esimdi aq aıý - Almaty zoobaǵynyń baıyrǵy turǵyny. Qart aıýdyń tynys-tirshiligi týraly onyń qamqorshysy Sergeı Spıtsyn men Almaty zoobaǵynyń dırektory Vıacheslav Banıkov aıtyp berdi, dep habarlaıdy QazAqparat tilshisi. 

Uqsas jańalyqtar
Almatyda janýarlardyń óliminen soń zoobaq qyzmetkerleri jumystan qýyldy Almaty zoobaǵynyń janýarlary aptap ystyqtan qalaı qorǵanýda Petropavldaǵy zoobaqta janýarlardyń 15 túri mekendeıdi

Buǵan deıin áleýmettik jelilerde Alkordyń densaýlyǵy syr bergeni jaıynda belsendiler jarysa jazyp, aq aıýdyń sýreti men beınejazbasyn taratqan bolatyn. Janýardyń densaýlyǵy men turatyn jeri kópshilikttiń nazaryn aýdardy.

«Dúısenbi kúni tańerteń maǵan kóp habarlama tústi. Onda bári «Aq aıýdyń densaýlyǵy nasharlap ketipti, haıýanattar baǵynda oǵan eshqandaı jaǵdaı jasalmaǵan» degen. Men birden osy jerge kelip, onyń densaýlyǵynyń jaqsy ekenine kóz jetkizdim. Qazir ol oınap, tamaqtanyp jatyr. Onyń jumys kúni tańǵy 5-6-da bastalady. Ol negizinen teńiz balyqtarymen qorektenedi. 2017 jyldan beri Almaty haıýanattar baǵynda oń ózgerister baıqalady. Munda aıýlar ǵana emes, basqa da janýarlarǵa jaqsy qaraıdy»,-deıdi aq aıýdyń qamqorshysy Sergeı Spıtsyn.


Sergeıdiń aıtýynsha, Alkor 1990 jyldan beri Almaty zoobaǵynda ómir súrip keledi. 1989 jyly Kalınıngrad zoobaǵynda týǵan. Sergeı bala kúninde osy jerge jıi keletin, aq aıýǵa baýyr basyp qalǵany sonsha, Alkordyń qamqorshysy bolýdy uıǵarypty.

«7 jeltoqsan kúni ol 30 jasqa tolady. Adam ómirimen ólsheıtin bolsaq, 100-ge keledi. Olar bostandyqta orta eseppen 20-25 jyl ómir súredi. Dál osy aq aıýlar óte sırek kezdesedi. Solardyń biri - bizdiń Alkor. Zoobaqta uzaq jasaıtyndar az. Alkordyń jubaıy men uly bar. Olar basqa haıýanattar baǵynda turyp jatyr. Jalpy, jasy eń úlken aıý Germanııada turady. Ol 39 jasta», - deıdi Sergeı.


Almaty zoobaǵynyń dırektory Vıacheslav Banıkovtyń aıtýynsha, polıar aıýynan basqa, munda 7 gımalaı jáne qońyr aıý turady. Olar tolyqtaı jabdyqtalǵan torlar men júzý basseınderinde ómir súredi.

«2017 jyly Sergeı Spıtsynnyń demeýshiligimen aq aıýdyń úıi qaıta qalpyna keltirildi. Kolıanyń júzý basseıni jóndeýden ótti. Uıyqtaıtyn bólmesindegi salqyndatqysh jabdyqtary jańartyldy. Polıarly aıýlar sýyq jaqta ómir súredi, sondyqtan olarǵa sýyq aýadaı qajet. Buryn jaz mezgilinde Alkor kóp salmaq joǵaltatyn. Kóp qonaqtar aq aıýdy kúndizgi ýaqytta oıyn alańynda kórgisi keletin. Kolıa ystyq kúni syrtqa shyqpaıtyn. Qazir bári basqasha», - dedi Vıacheslav Banıkov.


Aq aıýdyń qamqorshysy Sergeı Spıtsyn men Almaty zoobaǵynyń dırektory Vıacheslav Banıkov áleýmettik jelilerde jalǵan aqparat taratpaýdy surady. Janýarlardyń ómirine alańdaıtyn barlyq jandardy olardyń tynys-tirshiligin óz kózimen kórýge shaqyrdy.


Bizdiń kanalymyzǵa jazylyńyz:

Basty sózder: Almaty,
Bólisińiz:

Aýdarma:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT