+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Almaty jylytý maýsymyna daıyn

2021 jylǵy 28 qyrkúıek 12:36
Bólisińiz:
Almaty jylytý maýsymyna daıyn

ALMATY QazAqparat – Almaty jylý kesheni kúz-qys maýsymyna tolyq daıyn. Bul týraly onlaın brıfıng barysynda qalalyq Energotıimdilik jáne ınfraqurylymdyq damý basqarmasynyń basshysy Evgenıı Pak málim etti, dep habarlaıdy QazAqparat tilshisi.

Uqsas jańalyqtar

Spıkerdiń sózinshe, jylytý maýsymyna 8257 turǵyn úı, 443 bilim berý jáne 91 densaýlyq saqtaý obektisi daıyn tur.

«Jylytý maýsymyna daıyndyq mamyr aıynda bastaldy. Gıdravlıkalyq synaqtar júrgizildi, nátıjesinde 626 zaqym anyqtaldy jáne joıyldy. 82 qazandyqta jóndeý jumystary júrgizildi, qazandyqtardy aýystyrýmen tehnologııalyq jáne qosalqy jabdyqtar jóndeldi, gaz jabdyqtary aýystyryldy. Bıyl Naýryzbaı aýdanyndaǵy vokzal qazandyǵyn, sondaı-aq «Premera» qazandyǵyn qaıta jańartý bastaldy», - dedi Energotıimdilik jáne ınfraqurylymdyq damý basqarmasynyń basshysy.

Sonymen qatar, ol 82 qalalyq qazandyqta jáne jylý kózderinde, turaqty túrde, tórt aýysymda jedel personal táýlik boıy kezekshilik etetinin aıtty.

Apat kezinde 13 jedel jáne jóndeý brıgadasy jumys isteıdi. Sondaı-aq 229 myń tonna kómir men 23,4 myń tonna mazýttyń avarııalyq rezervi jınaqtaldy.

Almatyda Túrksib pen Jetisý aýdandarynda halyqqa arnalǵan 8 kómir bazasy bar, aldyn ala 90 myń tonna kómir qoryn jınaý josparlanǵan. Búginde 27 myń tonna qor jınaldy, taǵy 3,5 myńy jolda.

Evgenıı Pak elektr jáne gaz jelileriniń daıyndyǵy týraly aıtty.

«Almatyda elektr jelisiniń uzyndyǵy 8,5 myń shaqyrym. Olardyń daıyndyǵy 100%. «Alataý Jaryq Kompanııasy» AQ 871 shaqyrym elektr jelilerinde jóndeý jumystaryn júrgizdi. Almatydaǵy «QazTransGaz Aımaq» AQ 4746 shaqyrym gaz jelisin basqarady, olar da sýyq aýa raıynyń bastalýyna tolyq daıyn»,-dedi spıker.

Sonymen qatar, ol Almaty qalasyndaǵy úılerdiń 94,5%-y jylýdy esepke alatyn qondyrǵylarǵa qosylǵanyn, qalǵandary kazarma tıpindegi úıler ekenin nemese apatty úılerge tıesili ekenin tilge tıek etti.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT