Almaty jastar saıasaty basqarmasynyń basshysy taǵaıyndaldy
2022 jylǵy 24 maýsym 18:17

Almaty jastar saıasaty basqarmasynyń basshysy taǵaıyndaldy

ALMATY. QazAqparat – Almaty jastar saıasaty basqarmasyna basshy bolyp Qaıyrjan Meńdiǵalıev taǵaıyndaldy, dep habarlaıdy QazAqparat tilshisi.

Qaıyrjan Meńdiǵalıev 2011 jyly ál-Farabı atyndaǵy Qazaq ulttyq ýnıversıtetiniń ekonomıka jáne bıznes joǵary mektebin quqyq jáne ekonomıka negizi mamandyǵy boıynsha bitirdi, 2013 jyly osy ýnıversıtette ınnovatsııalyq menedjment mamandyǵy boıynsha ekonomıka ǵylymdarynyń magıstri dárejesin aldy.

2013-2014 jyldary Halyqaralyq bıznes ýnıversıtetinde oqytýshy bolyp jumys istedi.

2014 jyldyń maýsymy men qyrkúıek aılary aralyǵynda Halyqaralyq bıznes ýnıversıteti túlektermen jáne stýdenttermen jumys jónindegi departamentiniń dırektory qyzmetin atqardy.

2014-2016 jyldary Halyqaralyq bıznes ýnıversıteti marketıng jáne áleýmettik damý departamentiniń dırektory boldy.

2016-2018 jyldary Halyqaralyq bıznes ýnıversıtetiniń áleýmettik damý jónindegi prorektory qyzmetin atqardy.

2018 jyldan 2021 jylǵa deıin jeke qurylymdarda jumys istedi.

Almaty qalasy jastar saıasaty basqarmasynyń basshysy bolyp taǵaıyndalǵanǵa deıin Halyqaralyq bilim berý korporatsııasynyń birinshi prorektory qyzmetin atqardy.


Uqsas jańalyqtar

Jańalyqtar

Úrdis

MURAǴAT