Almaty tragedııasy: máıithanadan 41 máıitti belgisiz adamdar urlap áketken
2022 jylǵy 16 qańtar 22:15

Almaty tragedııasy: máıithanadan 41 máıitti belgisiz adamdar urlap áketken

NUR-SULTAN. QazAqparat – Lańkester ólikter men jaralylardy qaldyrmaı, ózderimen birge alyp ketken. Bul týraly búgin Ortalyq kommýnıkatsııalar qyzmetinde Almaty qalalyq Polıtsııa departamentiniń bastyǵy Qanat Taımerdenov málim etti, dep habarlaıdy QazAqparat tilshisi.

Onyń aıtýynsha, shabýyldardy qarý-jaraq pen urys ádisterin meńgergen, kásibı daıyndalǵan adamdar jasaǵan. Túnde olar osal jerlerdi izdedi. Bul rette olar qaza bolǵandar men jaralylardy qaldyrmaı, ózderimen birge alyp ketken.

«Bul kúnderi máıithanaǵa jeti shabýyl boldy, onyń barysynda qaıtys bolǵandardyń 41 máıitin belgisiz adamdar urlap áketti», - dedi PD bastyǵy Qanat Taımerdenov.

Onyń aıtýynsha, Polıtsııa departamentiniń ǵımaratyn basyp alýǵa lańkester 27 ret áreket jasady.

Budan buryn habarlanǵandaı, 5 qańtar kúni tańerteń Almatyda qala ortalyǵyna bir mezgilde 20 myń adam jınaldy.

Odan keıin Respýblıka alańyna jınalǵan myńdaǵan shabýylshylar ákimdik ǵımaratyn basyp alýǵa taǵy da árekettengen.

Polıtsııa departamentiniń basshysy Almatyda lańkester 1347 qarý urlaǵanyn aıtty.


Avtor:
Tilshi

Jańalyqtar

MURAǴAT