Almaty tragedııasy: Lańkester polıtsııa departamentin basyp alý úshin 27 ret shabýyl jasaǵan
2022 jylǵy 16 qańtar 21:23

Almaty tragedııasy: Lańkester polıtsııa departamentin basyp alý úshin 27 ret shabýyl jasaǵan

NUR-SULTAN. QazAqparat – Almatydaǵy jappaı tártipsizdikter kezinde Polıtsııa departamentiniń ǵımaratyn basyp alýǵa 27 ret áreket jasaldy. Bul týraly búgin Ortalyq kommýnıkatsııalar qyzmetinde Almaty qalalyq Polıtsııa departamentiniń bastyǵy Qanat Taımerdenov málim etti, dep habarlaıdy QazAqparat tilshisi.

«Qańtardyń 5-inen 6-syna qaraǵan túni sodyrlardyń Polıtsııa departamentiniń, Almaly, Jetisý, Áýezov, Bostandyq aýdandyq bólimshelerin jáne jergilikti polıtsııa qyzmetiniń ǵımaratyn qarýly top basyp alýǵa árekettendi. Osyǵan baılanysty ǵımaratty qorǵaý jáne áskerı qarýdyń urlanbaýy úshin shabýyl jasaǵandarǵa oq atyldy. Men ózim Polıtsııa departamentinde boldym. Ǵımaratty basyp alý úshin 27 ret shabýyl jasaǵanyn sanadyq. Qylmyskerler tehnıkany, djıpter men KamAz kólikterin qoldandy», - dedi Qanat Taımerdenov.

Onyń aıtýynsha, shabýyldardy qarý-jaraq pen urys ádisterin meńgergen, kásibı daıyndalǵan adamdar jasaǵan. Túnde olar osal jerlerdi izdedi. Shabýyl tańerteńge deıin jalǵasty.

Budan buryn habarlanǵandaı, 5 qańtar kúni tańerteń Almatyda qala ortalyǵyna bir mezgilde 20 myń adam jınaldy.

Odan keıin Respýblıka alańyna jınalǵan myńdaǵan shabýylshylar ákimdik ǵımaratyn basyp alýǵa taǵy da árekettengen.

Polıtsııa departamentiniń basshysy Almatyda lańkester 1347 qarý urlaǵanyn aıtty.


Avtor:
Tilshi

Jańalyqtar

MURAǴAT