Almaty soty áleýmettik jelide taraǵan "mas sýdıanyń" vıdeosyna qatysty tekserýdi bastady

ALMATY. QazAqparat - Almaty qalalyq soty áleýmettik jelirde jarııalanǵan «mas er adamdarǵa» qatysty qyzmettik tekseristi bastady, dep habarlaıdy QazAqparat tilshisi.

«Búgin áleýmettik jelide qoǵamnyń qyzý talqysyna túsken beınejazba jarııalandy. Ony taratýshylardyń pikirinshe, beınejazbadaǵy tulǵalardyń ishinde Almaly aýdandyq sotynyń sýdıasy bar. Osy oqıǵa boıynsha Almaty qalalyq soty qyzmettik tekseris júrgizip jatqanyn habarlaımyn»,- dep jazdy Almaty qalalyq sotynyń baspasóz hatshysy Abaı Jarylqasyn Facebook -tegi paraqshasynda.

Beınejazba Telegram kanaldyń birinde jarııalandy.

«Osynda otyrǵan adamdardyń biri Almaty qalasynyń Almaly aýdandyq sotynyń sýdıasy», - delingen sıpattamada.