Almaty polıtsııasy úılený toıynda túsirilgen vıdeony tekserip jatyr
2022 jylǵy 1 shilde 15:18

Almaty polıtsııasy úılený toıynda túsirilgen vıdeony tekserip jatyr

ALMATY. QazAqparat- «Polıtsııa bastyǵynyń ulynyń úılený toıynda túsirilgen» degen vıdeony Almaty polıtsııasy tekserip jatyr, dep habarlaıdy QazAqparat tilshisi.

Áleýmettik jelide qazaq estrada juldyzdarynyń qatysýymen ótken toıdyń vıdeosy paıda boldy.

Beınejazbadan toıǵa kóp qonaq kelgenin, qazaqstandyq estrada juldyzdary óner kórsetip, kóptegen syılyq oınatylǵanyn baıqaýǵa bolady.

Oınatylǵan syılyqtar ishinde benzın quıýǵa arnalǵan talondar da bar.

Vıdeo avtory bul polıtsııa basshylarynyń biriniń ulynyń toıy bolýy múmkin ekenin aıtty.

Almaty qalalyq polıtsııa departamenti atalǵan vıdeoǵa qatysty qyzmettik tergeý bastalǵanyn málim etti.

«Avtordyń aıtqan sózderi taǵaıyndalǵan qyzmettik tergeý aıasynda muqııat tekserilip jatyr. Qyzmettik tártipti buzý anyqtalǵan jaǵdaıda polıtsııa qyzmetkerlerine qatysty tártiptik shara qoldanylady», - dep habarlady Almaty qalalyq polıtsııa departamentiniń baspasóz qyzmeti.


Vıdeodan alynǵan kadr
Seriktester jańalyqtary

Jańalyqtar

Úrdis

MURAǴAT