Almaty polıtsııasy metro men saýda ortalyǵynda prank jasaǵan jigitti izdep jatyr
2022 jylǵy 27 qańtar 22:41

Almaty polıtsııasy metro men saýda ortalyǵynda prank jasaǵan jigitti izdep jatyr

ALMATY. QazAqparat - Almaty polıtsııasy metro men saýda ortalyǵynda prank úshin vıdeo túsirgen quqyq buzýshyny anyqtaý maqsatynda izdestirý jumystaryn bastady, dep habarlaıdy QazAqparat tilshisi.

Jelide jarııalanǵan birinshi vıdeoda er adam telefon arqyly bireýmen aıqaılap sóılesip, másele sheship jatyr, ekinshisinde onyń qaladaǵy saýda jáne oıyn-saýyq ortalyqtarynyń birindegi eskalatorǵa shyǵyp alǵanynyn kórýge bolady.

«Quqyq buzýshyny anyqtaý úshin tıisti tekserý jumystaryn bastadyq. Mán-jaıdy anyqtaý Bostandyq aýdandyq polıtsııa basqarmasy qyzmetkerlerine júkteldi. Qabyldanǵan sharalardyń nátıjeleri qosymsha jarııalanatyn bolady», - dep jazdy Instagram-daǵy paraqshasynda qalalyq polıtsııa departamenti basshysynyń orynbasary Rýstam Ábdirahmanov.

Eske salaıyq, ótken jyly kúzde úsh jas jigit Almaty metrosynyń jolaýshylaryna prank jasaǵan bolatyn.

Olar mýzyka kolonkasynyń kómegimen áýendi qatty qoıyp, azamattardyń narazylyǵyn týdyrǵan.

Keıin jaýapqa tartyldy .


Avtor:
Tilshi

Jańalyqtar

MURAǴAT