+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Almaty polıtsııasy ekstremıstik uıymǵa qatysy bar adamdardy ustady

2019 jylǵy 4 shilde 14:39
Bólisińiz:
Almaty polıtsııasy ekstremıstik uıymǵa qatysy bar adamdardy ustady

ALMATY. QazAqparat - Almaty polıtsııasy ekstremıstik uıym jumysyna atsalysqan turǵyndardy ustady, dep habarlaıdy QazAqparat tilshisi.

Qalalyq polıtsııa departamentiniń baspasóz qyzmeti habarlaǵandaı, Demeýova, Shevchýk, Djaýkerova, Áshirálıev jáne taǵy basqa azamattarǵa qatysty QR QK 405-baby boıynsha keshendi tergeý jumystary júrgizildi. Jedel tergeý jumystarynyń nátıjesinde atalǵan tulǵalardyń adamdardy sanktsııalanbaǵan ekstremıstik qozǵalysqa shaqyrǵany anyqtaldy.

Tintý kezinde olardyń úıinen ekstremıstik mazmundaǵy plakattar, paraqshalar, tútin shyǵaratyn shashkalar, dybys zoraıtqyshtar, aerozol boıaý ballondary, kompıýter, baılanys quraldary tabyldy.

Sonymen qatar, iri kólemdegi aqsha tárkilendi. Bul qarajatty olar zańǵa qaıshy aktsııalardy uıymdastyrý kezinde paıdalanbaq bolǵan. Tehnıkalyq quraldardan da ekstremıstik ıdeıalardy nasıhattaý derekteri anyqtaldy.

Kúdiktilerdiń birqatary óz kinásin moıyndady. Qazir atalǵan is boıynsha tergeý jumystary jalǵasyp jatyr.

Aıta ketý kerek, osynyń aldynda Demeýova, Shevchýk, Djaýkerova, Áshirálıev degen azamattarmen aldyn ala túsindirý áńgimeleri júrgizilgen bolatyn. Sondyqtan, olardy úıqamaqta ustaý týraly bultartpaý sharasy qabyldandy. Tergeýshiler shara qoldanar kezde olardyń otbasylyq ahýalyn eskergen edi. Sońǵy tergeý jumystarynyń nátıjesine qaraı tergeýshiler joǵarydaǵy azamattardyń bultartpaý sharasyn úıqamaqtan ózgertip, olardy qamaýǵa aldy.

Basqa qatysýshylarǵa qatysty ákimshilik jaza taǵaıyndaldy.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT