Almaty-Óskemen jolynyń 382-410 shaqyrymy jabyq
2022 jylǵy 22 mamyr 20:08

Almaty-Óskemen jolynyń 382-410 shaqyrymy jabyq

TALDYQORǴAN. QazAqparat - Jańbyr sýynyń shaıyp ketýine baılanysty Almaty-Óskemen tas jolynyń 382-410 shaqyrymy jabyldy, dep habarlaıdy QazAqparat tilshisi.

Turǵyndarǵa 112 nomerinen «Almaty-Óskemen tas jolynyń 382-410 shaqyrymy jabyq. Kópir shaıylǵan, jol jabyq» degen habarlama joldandy.

«Respýblıkalyq mańyzy bar Almaty-Óskemen tas jolynyń 393-395 shaqyrymyn qatty jaýǵan jaýyn sýy shaıyp ketti. Apattyq jaǵdaı bolǵan jerde 4 júk kóligi tur. Júrgizýshilermen baılanys ornatylǵan, azyq-túlikpen qamtamasyz etiledi. Oqıǵa ornynda tıisti mamandar jumys istep jatyr. Appattyń saldaryn joıýǵa tehnıkalar men jumysshylar jumyldyrylǵan. Mataı-Lepsi arqyly aınalma jolmen júrýge bolady. Zardap shekkender joq», - delingen Almaty oblysy Aqsý aýdany ákiminiń baspasóz qyzmeti taratqan habarlamada.

Buǵan deıin jańadan salynyp jatqan Taldyqorǵan-Úsharal jolyn sý shaıyp ketkenin habarlaǵan bolatynbyz.


Jańalyqtar

MURAǴAT