Almaty-Óskemen trassasynyń sý shaıyp ketken bóliginiń tusynan aınalma jol salyndy
2022 jylǵy 24 mamyr 05:28

Almaty-Óskemen trassasynyń sý shaıyp ketken bóliginiń tusynan aınalma jol salyndy

TALDYQORǴAN. QazAqparat -Jańbyr sýynyń shaıyp ketýine baılanysty Almaty-Óskemen tasjolynyń 382-410 shaqyrymynda jabylǵan jol ashyldy, - dep habarlaıdy QazAqparat.

Qazir jolaýshylar 200 shaqyrymdyq aınalma jol arqyly emes, shý shaıyp ketken joldyń janynan jasalǵan aınalma jol arqyly qatynaýda.

«Jol qozǵalysy qalpyna keltirildi. Respýblıkalyq mańyzy bar Almaty-Óskemen tas jolynyń 393-395 shaqyrymyndaǵy qubyrly sý ótkelderin sý shaıyp ketýine baılanysty aınalma joldar jasalyp, jol qozǵalysy qalpyna keltirildi»,- delingen Aqsý aýdany ákiminiń baspasóz qyzmetiniń jarııalaǵan habarlamasynda.

Eske salsaq, buǵan deıin Almaty-Óskemen respýblıkalyq trassanyń jabylǵandyǵy jóninde habarlaǵan bolatynbyz.

Sonymen qatar, QazAvtojol «Almaty-Óskemen» trassasyndaǵy sý shaıyp ketken joldy bir aıda jóndeıtinin málimdedi.

Jańalyqtar

MURAǴAT