+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Almaty obylysynda para bergen adam 7 jylǵa sottaldy

2021 jylǵy 17 qyrkúıek 17:10
Bólisińiz:
Almaty obylysynda para bergen adam 7 jylǵa sottaldy

NUR-SULTAN. QazAqparat – Sybaılas jemqorlyqqa qarsy-is qımyl aıasynda para berýshilerdi de meılinshe qatań jazalaý praktıkasy qoldanylyp keledi. Sondaı sharalardyń birinde Almaty oblysynyń turǵyny para usynǵany úshin 7 jyla sottalǵan, dep habarlaıdy QazAqparat tilshisi.

Uqsas jańalyqtar

Bul týraly Sybaılas jemqorlyqqa qarsy is-qımyl agenttiginiń Preventsııa qyzmeti basshysynyń orynbasary Ǵanıjan Asanuly málim etti.

«Ókinishke qaraı, jyl basynan beri respýblıka boıynsha sybaılas jemqorlyqqa qatysqan 724 adam anyqtaldy. Olardyń úshten biri – para berýshi (273 adam nemese 37,7%). «Para berý» Qylmystyq kodekste múlki tárkilenip jáne belgili bir laýazymdardy atqarý quqyǵynan ómir boıyna aıyra otyryp, paranyń jıyrmadan alpys esege deıingi somasy mólsherinde aıyppul salýǵa ne on bes jylǵa deıin bas bostandyǵynan aıyrýǵa jazalanady», - degen agenttik ókili birneshe mysal keltirdi.

«Máselen, Qostanaı oblysynda sottalǵanǵa quqyq qorǵaý organdarynyń biriniń laýazymdy tulǵasyna 800 000 teńge para bergeni úshin 24 mln teńge aıyppul salyndy. Al Shyǵys Qazaqstan oblysynda para berýshige kommýnaldyq mekemeniń laýazymdy tulǵasyna 500 000 teńge para bergeni úshin 10 mln teńge kóleminde aıyppul salyndy. Almaty qalasynda para berýshilerdiń biri 7 jylǵa bas bostandyǵynan aıyryldy. Mundaı mysaldar kóp», - deıdi Preventsııa qyzmeti basshysynyń orynbasary.

Onyń aıtýynsha, iri kólemdegi parany qoıyp, kólemi 2 AEK-ten kem para berý para berý áreketiniń ózi jaýapkershilikke ákep soqtyrady.

«Zańsyz materıaldyq syıaqynyń jáne syılyqtardyń mundaı túri 200 AEK mólsherinde aıyppul túrinde ákimshilik jaýapkershilikke ákep soǵady. Joǵaryda aıtqanymdaı, mundaı quqyq buzýshylyqtar, qylmystyq nemese ákimshilik bolsyn, sizdiń jeke isińizde iz qaldyrady. Bul siz úshin de, jaqyndaryńyz úshin de jaǵymsyz saldarǵa ákelýi múmkin.

Mysaly, bul memlekettik qyzmetke jáne kvazımemlekettik sektorǵa jumysqa ornalasýǵa kedergi bolady. Sondaı-aq, Eńbek kodeksiniń 52-babyna sáıkes sybaılas jemqorlyq quqyq buzýshylyq jasaý jumys berýshiniń óziniń bastamasy boıynsha eńbek shartyn buzý úshin negiz bolyp tabylady», - dedi Ǵanıjan Asanuly.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT