+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Almaty oblysynyń turǵyny sadaqa jáshikterin urlap kelgen

2020 jylǵy 8 sáýir 03:10
Bólisińiz:
Almaty oblysynyń turǵyny sadaqa jáshikterin urlap kelgen

TALDYQORǴAN. QazAqparat - Almaty oblysynda 25 jastaǵy azamat meshitterden sadaqa jáshikterin urlap kelgen, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Polıtseıler ony beınebaqylaý kameralarynyń kómegimen áshkerelegen.

Aǵymdaǵy jyldyń naýryz aıynyń sońynda Іle aýdandyq Polıtsııa basqarmasynyń kezekshi bólimine Yntymaq aýyly meshitiniń ımamy, jalpy quny júz myń teńge bolatyn qaıyrymdylyqqa arnalǵan jáshiktegi aqshanyń jáne moldanyń qyzmettik bólmesindegi resıveri bar monıtordyń urlanǵany týraly aryzdanǵan.

Júrgizilgen jumystyń nátıjesinde jedel ýákilder Almaty oblysy Jambyl aýdanynyń 25 jastaǵy turǵynyn anyqtap, ustady. Ol usynylǵan dálelderden keıin óz kinásin tolyq moıyndady.

Sonymen qatar, tergeý barysynda kúdikti odan ózge taǵy eki urlyq deregine óziniń qatysy baryn aıtyp berdi. Ol aqpan aıynda Chapaev aýylyndaǵy meshittegi elý myń teńge kólemindegi aqsha somasy bar qaıyrymdylyq jáshigin urlasa, al ótken jyldyń shildesinde Túımebaev aýylyndaǵy jeke kásipkerdiń qymbat velosıpedin qoldy qylǵan.

Qazirgi tańda kúdikti qamaýǵa alynyp, onyń ózge de ashylmaǵan qylmystarǵa qatystylyǵy tekserilýde. Kúdiktiniń 2013 jyly qaraqshylyq shabýyl jasaǵany úshin 5 jylǵa bas bostandyǵynan aıyrylǵandyǵy anyqtaldy. Sotqa deıingi tergeý amaldary QR QK 188-babynyń 3-bóligi boıynsha jalǵasýda.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT