Almaty oblysynyń turǵyny kórshisiniń eki sıyryn atyp tastady

TALDYQORAǴN.QazAqparat -  Almaty oblysynyń turǵyny kórshisiniń eki sıyryn atyp tastady. 1966 jylǵy er adamnyń mundaı qadamǵa barýyna sıyrlardyń aýlasyna kirip ketýi sebep bolǵan, dep habarlaıdy QazAqparat tilshisi.

Uqsas jańalyqtar

Almatyda qylmys deńgeıi 47,8% tómendedi

Burynǵy áıeliniń mazasyn alǵany úshin 300 saǵattyq qoǵamdyq jumysqa jegildi – ShQO Elordada tirkelgen qylmystardyń sany 30 paıyzǵa qysqardy Esirtkige eltigen kólik júrgizýshisi jolaýshy tasymaldaǵan - SQO

Oqıǵa Kerbulaq aýdanynda bolǵan. 13 qarasha kúni túnde polıtseılerge Shoqan aýylynyń eki turǵyny aryz túsirgen. Olardyń sózinshe, aýyldastary olardyń eki sıyryn atyp óltirgen. Jábirlenýshiler ózderine keltirilgen shyǵyn kólemin 600 myń teńgege baǵalap otyr.

«Maldardyń ólgendigi jóninde aqparat rastaldy. Іshimdik ishken 1966 jylǵy turǵyn «IJ-18» ańshy qarýymen eki sıyrdy atyp tastaǵan. Kúdiktiniń sózinshe, maldar onyń aýlasyna kirip ketipti. Qazir atalǵan fakti boıynsha QR QK 316-babyna (Jan-janýarlarǵa qııanat jasaý) sáıkes sot-aldy tergeý júrip jatyr»,- dep málimdedi Almaty oblystyq PD baspasóz qyzmetinen.

Sondaı-aq, kúdikti qarýdy zańsyz saqtaǵany úshin de jaýapkershilikke tartylady. Polıtsııanyń aqparatyna sáıkes, janýarlardy atýǵa qoldanǵan qarý esh jerde tirkelmegen bolyp shyqty.