+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Almaty oblysynyń turǵyny 9 jyldan beri ólgenderdiń qatarynda bolǵan

2020 jylǵy 24 tamyz 17:50
Bólisińiz:
Almaty oblysynyń turǵyny 9 jyldan beri ólgenderdiń qatarynda bolǵan

TALDYQORǴAN. QazAqparat - Almaty oblysynyń turǵyny Kenjebek Alpysbaev «Nur Otan» praımerızine qatysýǵa ótinish berý barysynda qyzyq jaǵdaıǵa tap boldy. Partııaishilik irikteýge qatysýǵa nıet tanytqan azamat partııanyń Alakól aýdandyq fılıalyna barǵanda, qaǵaz júzinde óziniń «o dúnıelik» bolyp ketkenin estip tań qalǵan, dep habarlaıdy QazAqparat.

Uqsas jańalyqtar

«Men osy kezge deıin esh alańsyz ómir súrip, jumysymdy istep jattym. «Nur Otan»-nyń praımerız jarııalaǵanyn estip, aýyldastarymnyń máselelerin sheshýge yqpal etý úshin aýdandyq máslıhatqa úmitker depýtat retinde praımerızge ótinish berýdi uıǵardym. Partııanyń arqasynda AHAJ-dyń osydan 9 jyl buryn meni ólgenderdiń sanatyna qosyp jibergenin bildim», - dep ashýlandy Kenjebek Alpysbaev.

Óz kezeginde Almaty oblystyq Partııalyq baqylaý komıssııasy bul keleńsizdikti joıyp, Kenjebek Alpysbaevty praımerızge qatysýǵa nıet bildirgen úmitker retinde tirkedi. Sonymen birge «Nur Otan» óz isine nemquraıly qaraǵandardy jaýapqa tartyp, tıisti shara qoldanýdy talap etti.

«Ashyǵyn aıtsam, mundaı jaýapsyzdyqqa ne derimdi bilmeı otyrmyn. Esh negizsiz adamdy óldi dep qalaı jaza salýǵa bolady?», - dep málimdedi oblystyń partııalyq baqylaý komıssııasynyń tóraǵasy Ermek Kelimseıit Alakól aýdandyq ákimi apparatynyń jetekshisi Damır Satybaldıevqa partııalyq sógis berýdi usynyp.

Sondaı-aq partııalyq baqylaý komıssııasy azamattardyń hal aktilerin tirkeý bóliminiń basshysy Dınara Muhamedjanovaǵa baılanysty tártiptik jaýapkershilik sharasyn qoldanýdy talap etti.

Bir apta buryn elimizde «Nur Otan»-nyń partııaishilik irikteýi - praımerızge qatysý úshin ótinishter qabyldaý bastalǵanyn esterińizge sala ketkimiz keledi. Partııa Lıderi Nursultan Nazarbaevtyń tapsyrmasymen «Nur Otan» praımerızi elimizdiń partııalyq-saıası damý tarıhynda tuńǵysh ret respýblıkalyq partııaishilik saılaý aýqymynda ótedi.

Budan buryn partııa tóraǵasynyń birinshi orynbasary Baýyrjan Baıbektiń atap ótkenindeı, bul – Elbasynyń bastamasymen qolǵa alynǵan «Senim. Dıalog. Bolashaqqa nyq qadam» partııa jumysyn «qaıta jandandyrý» baǵdarlamasynyń qorytyndy kezeńderiniń biri. Praımerızdiń negizgi maqsaty – aldaǵy Májilis pen barlyq deńgeıdegi máslıhat saılaýlaryna partııalyq tizimderdi qalyptastyrý úshin básekeles kúres negizinde jańa kóshbasshylardy aıqyndaý.

Partııa baspasóz qyzmetiniń habarlaýynsha, bir apta ishinde praımerızge qatysýǵa 7000-ǵa jýyq adam ótinish bergen. Olardyń 2398-i áıel, onyń ishinde 100-i – kópbalaly ana, 1706-sy – 35 jasqa deıingi jas. Bastaýysh partııa uıymdary arqyly 2444 adam usynylsa, 4589 kandıdat – ózin-ózi usynǵandar.

Bıleýshi partııanyń baspasóz qyzmeti taratqan aqparatqa sáıkes, praımerızge qatysý úshin ótinishti primaries.kz saıtynda «Praımerız» aqparattyq júıesi arqyly onlaın joldaýǵa nemese aýmaqtyq uıymdastyrý komıtetterine jeke ótinish berýge bolady. Kandıdattardy usyný jáne tirkeý 28 tamyzǵa deıin jalǵasady.

Partııa qundylyqtaryn ustanatyn jáne saılaý quqyǵy bar kez kelgen azamat úmitker bola alady. Ol úshin praımerızge qatysýshylardy tirkeý merzimi aıaqtalǵanǵa deıin «Nur Otan» músheligine ótý kerek.

Praımerız ótkizý, sondaı-aq kandıdattarǵa uıymdastyrýshylyq jáne quqyqtyq qoldaý máseleleri boıynsha «Nur Otan» partııasy 8 (800) 080 4441 arnaıy jedel jelini iske qosty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT