Almaty oblysynyń ákimi Manzorov isine pikir bildirdi

NUR-SULTAN. QazAqparat – Almaty oblysynyń ákimi Amandyq Batalov óz orynbasary Baǵdat Manzorov isine pikir bildirdi, dep habarlaıdy QazAqparat tilshisi.
«Oqıǵa bolǵanda ol (Baǵdat Manzorov – red.) maǵan kelip, Almatydaǵy burynǵy jumysy boıynsha ekenin túsindirdi. Jaǵdaıyn aıtyp, tólemsiz eńbek demalysyn surady. Men jiberdim. Ne bolyp, ne qoıǵanyn tergeý organdary anyqtaı jatar. Biraq, men ony jeke adam retinde baıaǵydan bilemin. Ol Kóksý aýdanynyń ákimi bolyp jumys istedi. Keıin maǵan keldi. Eki aı ǵana jumys istedi. Bul aralyqta oǵan birneshe tapsyrma berdim. Barlyǵyn oryndady. Men oǵan «Aryz jaz, jumystan shyq nemese máseleńdi tez arada shesh» dep aıta almaımyn ǵoı. Adamı turǵyda qaraý kerek. Kez kelgen adam mundaı jaǵdaıǵa tap bolýy múmkin», - dep jaýap berdi A. Batalov Ortalyq kommýnıkatsııalar qyzmetinde ótken baspasóz máslıhatynda jýrnalıster suraǵyna.
Onyń aıtýynsha, ákim orynbasarynyń isimen tergeý organdary aınalysady.
«Eger kináli bolsa, jaýap beredi, kinási bolmasa – jumysyn ári qaraı jalǵastyrady», - dedi Amandyq Batalov.
Eske salsaq, Almaty oblysy ákiminiń orynbasary Baǵdat Manzorov ustalǵany týraly buǵan deıin habarlaǵan bolatynbyz. QR Sybaılas jemqorlyqqa qarsy is-qımyl agenttigi oǵan QR Qylmystyq kodeksiniń 190-baby, 2-bóligi, 2-tarmaǵy («Laýazymyn paıdalaný arqyly asa iri kólemdegi alaıaqtyq») boıynsha aıyp taqty.
Keıin Bas prokýratýra Baǵdat Manzorovqa qatysty qylmystyq is toqtatylǵanyn resmı túrde málimdedi. Kóp uzamaı sheneýnik óz qyzmetine qaıta kiristi.
Óz kezeginde agenttik Bas prokýratýranyń bul sheshimine narazylyq tanytty.
- Petropavlda Ulttyq ulan kýrsanttarynyń jappaı ýlaný sebebi anyqtalýda
- Almatyda «Olımp» býkmekerlik keńsesiniń jumysy toqtatyldy - UQK
- Aqtóbe oblysynda kıik atqan brakonerler ustaldy
- Nur-Sultan áýejaıyndaǵy atys: Oqıǵanyń mán-jaıy belgili boldy
-
Rıdder qalasynda qubyr jarylyp, kanaldaǵy sý deńgeıi kóterildi
-
Mańǵystaýda dezınfektsııa kezinde 2 adamnyń ólimine sebepshi bolǵan maman sottaldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam