+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Almaty oblysyndaǵy daý: ata-analar balalaryn mektepke jibermeımiz dep talap qoıýda

2021 jylǵy 15 qyrkúıek 20:47
Bólisińiz:
Almaty oblysyndaǵy daý: ata-analar balalaryn mektepke jibermeımiz dep talap qoıýda

TALDYQORǴAN. QazAqparat - Almaty oblysynda mektep dırektory asylyp qaıtys bolǵan bilim ordasynyń ata-analary balalaryn oqýǵa jibermeımiz dep talap qoıýda, dep habarlaıdy QazAqparat tilshisi.

Uqsas jańalyqtar
Ata-anam uryp-soǵady: Óskemende oqýshy qyz sabaqqa barmaý úshin ótirik aıtqan Kókshetaýda Reseı azamaty qonaq úıdiń joǵary qabatynan sekirip, mert boldy Aqtaýda er adam bıikten qulap mert boldy

Esterińizge sala keteıik, buǵan deıin Uıǵyr aýdany Úlken Aqsý aýylyndaǵy Ǵ.Sadvaqasov atyndaǵy orta mekteptiń dırektory óz úıinde asylyp, kóz jumǵanyn habarlaǵan bolatynbyz.

Aýyl halqy osy qaıǵyly jaǵdaıǵa mektep dırektory orynbasarynyń áreketi sebep bolýy múmkin dep sanaıdy. Dırektordyń sharýashylyq jónindegi orynbasary M. Muhametov ustazdar men tehnıkalyq qyzmetkerlerge qyryndady dep aıyptalǵan edi. Turǵyndardyń shaǵymynan keıin ony mektep dırektory jumystan bosatqan. Biraq jumystan qýylǵan orynbasar sotqa júginip, sot sheshimimen qaıta qyzmetine oraldy. Sonymen qatar jumystan bosaǵan aralyqtaǵy 380 myń teńge aılyǵyn sot Muhametovke tóleýge sheshim shyǵarǵan.

«Biz Úlken Aqsý aýylynyń turǵyndary mekteptegi psıhologııalyq orta durys emes dep sanaımyz. Osy oqıǵalardy estı otyryp, biz Muhametovti ornynan bosatýdy suraımyz. Sebebi, mektep ishinde bolashaq urpaǵymyz qaýipsiz jaǵdaıda jáne psıhologııalyq túzý ortada sapaly bilim alǵanyn qalaımyz. Alaıda, mekteptegi jaǵdaı sol talaptarǵa saı kelmeı otyr. Eger osy talap oryndalmasa biz balalarymyzdy mektepke jibermeımiz», - dep birneshe ata-ana Uıǵyr aýdanynyń ákimine aryz jazǵan.

«Mekteptegi qyzmetkerler aryz jazǵan. Olar ózderiniń shaǵymynda, Muhametov seksýaldyq áreketter jasady dep aıyptaǵan. Alaıda shaǵymdanýshylardyń denesinen jaraqat nemese jynystyq qatynas áreketi bolmaǵan soń, is dáleldenbedi. 10 maýsym men 26 tamyz aralyǵynda Muhametov eńbekke jaramsyz paraǵyn ashyp, jumysta bolmady. Sol aralyqta ol quzyretti mekemelerge jemqorlyq jasady degen turǵyda dırektordyń ústinen aryz jazdy. Biraq ol dálelin tapqan joq. Ujymda moraldyq-psıhologııalyq ahýal aýyr. Muǵalimder eki topqa bólinip, balalarǵa bilim berýdiń ornyna bir-birine qarsy aıyptaýshy dálelderdi izdeı bastaǵan. Al ony retteý múmkin bolmaı qalǵan kezde, birneshe muǵalim Uıǵyr aýdanynyń ákimi Shýhrat Nýrahýnovpen kezdesýge bardy. Keshe ǵana mektep dırektorynyń mindetin ýaqytsha atqarýshy adamdy taǵaıyndadym. Sabaq keste boıynsha ýaqtyly ótip jatyr. Adam ólimi bolǵan soń Muhametovpen aýyl aqsaqaldary da sóılesti», - dedi aýdandyq bilim bóliminiń basshysy Adyljan Ashırov.

Aıta keteıik, qazir aýdandyq polıtsııa bólimi mektep dırektorynyń ólimine qatysty QR Qylmystyq kodeksi 105-babynyń 1-tarmaǵy boıynsha (Ózin óltirýge deıin jetkizý) sotqa deıingi tergeý amaldaryn júrgizýde.



Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT