+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Almaty oblysynda jaıylymnan mal urlady degen aıyppen eki jigit ustaldy

2020 jylǵy 23 qyrkúıek 09:13
Bólisińiz:
Almaty oblysynda jaıylymnan mal urlady degen aıyppen eki jigit ustaldy

TALDYQORǴAN. QazAqparat- Almaty oblysy Kerbulaq aýdanynyń polıtseıleri jergilikti turǵynnyń 6 bas sıyryn jaıylymnan qoldy qyldy degen kúdikpen 25 jáne 29 jastaǵy eki azamatty ustady, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, jedel izdestirý sharalary barysynda qoldy bolǵan sıyrlar tabylyp, zańdy ıesine qaıtarylǵan.

«Qylmysqa qatysy bar degen kúdikpen Kerbulaq jáne Kóksý aýdandarynyń eki turǵyny qamaqqa alyndy. Olardyń aýdan turǵynynyń 6 sıyryn urlaǵany dáleldendi. Qazirgi ýaqytta kúdiktilerdiń ózge de qylmystarǵa qatysy bar-joǵy tekserilýde»,- deıdi Kerbulaq APB bastyǵy, polıtsııa podpolkovnıgi Erbol Ahmetqalıev.

Tergeý barysynda kúdiktilerdiń aýdan ortalyǵy mańyndaǵy avtojol boıynda jaıylyp júrgen sıyrlardy «Gaz-53» kóligine tıep, urlap ketkeni anyqtalǵan. Urlyq izin jasyrý maqsatynda olar sıyrlardy Kóksý aýdanyna aparyp, ózge bireýge arzan baǵaǵa satyp jibergen.


Kúdiktiler buǵan deıin qylmystyq jaýapkershilikke tartylmaǵan. Olar qylmysqa qarjylaı qajettilik bolǵandyqtan barǵanyn jáne satyp alýshynyń aqshasyn óz qajetine jumsaǵanyn habarlaǵan.

Mal ıeleri eki apta boıy sıyryn ózderi izdep, taba almaıtynyn bilgen soń polıtsııaǵa aryz jazǵan.

Aýdandyq ishki ister organy bastyǵynyń aqparatyna sáıkes, tártip saqshylary mal urlyǵynyń aldyn alý jáne oǵan qatysy bar qylmystardy ashý sharalaryn kúsheıtken. Qyrkúıek aıynda Kerbulaq aýdanynyń polıtseıleri mal urlyǵyna qatysy bar degen kúdikpen tórt azamatty qamaqqa alǵan. Olardyń zańsyz áreketi aýyr qylmystar sanatyna jatqyzylǵan.

Sonymen qatar, iz kesýshiler arnaıy shara barysynda qoldy bolǵan 5 jylqy, 6 sıyr men usaq maldy aman-esen taýyp, zańdy ıelerine tapsyrǵan.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT