+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Almaty oblysynda úıinen ketip qalǵan oqýshy 20 kúnnen keıin tabyldy

2020 jylǵy 5 tamyz 17:50
Bólisińiz:
Almaty oblysynda úıinen ketip qalǵan oqýshy 20 kúnnen keıin tabyldy

TALDYQORǴAN. QazAqparat - Almaty oblysynyń polıtseıleri jıyrma kún buryn habar-osharsyz ketken 16 jasar jasóspirimdi izdestirip tapty, dep habarlaıdy QazAqparat tilshisi.

Uqsas jańalyqtar
Jambyl oblysynda bes jasar balany zorlaý isine qatysty tergeý júrip jatyr Almatyda taksıst jerasty jolyna túsip ketti Atyraýda malymen birge adasqan azamat eki kún boıy dalada túnegen

Almaty oblystyq Polıtsııa departamenti baspasóz qyzmetiniń málimetinshe, iz-tússiz joǵalǵan balanyń anasy ulynyń habarsyz ketkeni týraly polıtsııaǵa eki aptadan keıin ǵana habarlaǵan. Taldyqorǵan qalasynyń turǵyny 16 jastaǵy Darhan jaqyndarymen sózge kelip, 18 shilde kúni úıinen ketip qalǵan. Anasy osy ýaqytqa deıin balasyn óz kúshimen taýyp alýǵa tyrysqanymen, baılanysqa múldem shyqpaǵan ulyn taba almaǵan. Kóp ýaqyt habar almaǵan soń kóńiline kúdik uıalap, polıtsııa qyzmetine júgingen. Áıeldiń aıtýynsha, ol sońǵy ret ulyn úıde kórgende jaman oıǵa ıtermeleıtin belgiler bolmaǵan.

«Aqparat alǵannan keıin jaqyn aýmaqty patrýldik polıtsııa jasaqtary men jedel-tergeý toby aralady. Baǵdar jasalyp, balaǵa izdeý jarııalandy. Toǵyzynshy synyp oqýshysy qurylys alańdarynyń birinen tabyldy. Onyń qurylys jumystaryna tabys tabý maqsatynda kelgeni belgili boldy. Degenmen, ol týystaryna habar berýdi qajet dep sanamaǵan. Onyń aıtýynsha, úıine qońyraý shalǵysy kelgen, alaıda sol sátte uıaly telefonynyń qýaty taýsylyp qalǵan», - dedi Taldyqorǵan qalalyq Polıtsııa basqarmasynyń bastyǵy polıtsııa polkovnıgi Asqar Nursapa.

Polıtsııa oqıǵanyń «sátti» aıaqtalǵanyn jáne jasóspirimniń jaýapsyz áreketteriniń sońy qaıǵyly jaǵdaıǵa aınalýy múmkin ekenin atap ótti.

«Ókinishke oraı, balalardyń úıden óz betimen ketip, quqyq buzýshylyq jasaý derekteri jıi kezdesedi. Balanyń jeke tulǵalyq damýynda jáne onyń qoǵamdaǵy laıyqty minez-qulyq qasıetterin, jaǵymdy ádetterin qalyptastyrýda otbasy úlken ról atqaratyny barshaǵa anyq. Eshqandaı aldyn alý jumystary onyń taǵlymyn bere almaıtyny shyndyq. ıÝvenaldy polıtsııa qyzmetkerleri únemi balalar men ata-analarǵa qoǵamdyq oryndarda, otbasynda qaýipsiz júris-turys erejeleri boıynsha qundy usynystar beredi. Osy usynystardy barlyǵynyń nazarǵa alǵanyn qalaımyn», - dep tolyqtyrdy polkovnık Asqar Nursapa.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT