Almaty oblysynda urlanǵan ishikti súıiktisine syılaǵan azamat ustaldy

TALDYQORǴAN. QazAqparat - Almaty oblysynyń polıtseıleri kúzen ishikti urlap, artynan peshke jaqqan azamatty ustady, - dep habarlaıdy QazAqparat tilshisi.

Uqsas jańalyqtar

Atyraý turǵynynan kıik múıizi tárkilendi

Ury jymqyrǵan aıý terisin onyń ıesine qaıta satpaqshy bolǵan Jambyl oblysynda «Páter» jedel-aldyn alý is-sharasy bastaldy Tanymal rejısserdiń uly adam urdy dep aıyptaldy

Almaty oblystyq Polıtsııa Departamenti baspasóz qyzmetiniń málimetinshe, Uıǵyr APB-niń kezekshi bólimine Shonjy aýylynyń 44 jastaǵy turǵyny úıinen kúzen ishiginiń urlanǵany týraly habarlaǵan.

Jedel-izdestirý is-sharalarynyń nátıjesinde azamattyq nekede turatyn otbasylyq jup anyqtalyp, ustaldy. Ustalǵan 20 jastaǵy azamat pen 33 jastaǵy onyń súıiktisi dálelderden keıin óz urlyqtaryn tolyǵymen moıyndady.

Ustalǵandardyń aıtýynsha, olar turǵyn úılerin ózgertýdi josparlaǵan, osy maqsatta túrǵyn úı izdeý barysynda úılerdiń birinen qojaıyndardyń joqtyǵyn anyqtaǵan. Buǵan deıin qaraqshylyq shabýyl jasaǵany úshin isti bolǵan otaǵasy súıiktisine syılyq jasaý maqsatynda, tereze shynysyn qysý arqyly úıge kirip, kúzen ishikti qoldy qylǵan. Kelesi kúni aýlalardy aralap júrgen polıtseılerdi kórip, olardyń úılerine jaqyn júrgeninen qorqyp, urlanǵan ishikti peshke salyp, jaǵyp jibergen.

Oılanbaı jasaǵan is-áreketteri úshin olarǵa zań aldynda jaýap berýge týra keledi. Azamat qamaqqa alyndy, al onyń azamattyq nekedegi jary mekenjaıyn ózgertpeý týraly qolhatpen bosatyldy. Atalǵan derekke qatysty QR QK 188-babynyń 3-bóligi boıynsha sotqa deıingi tergeý amaldary júrgizilýde.