+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Almaty oblysynda tuńǵysh ret arba jarysy ótti

2019 jylǵy 29 qyrkúıek 08:36
Bólisińiz:
Almaty oblysynda tuńǵysh ret arba jarysy ótti

TALDYQORǴAN. QazAqparat - Almaty oblysynda tuńǵysh ret «Arba báıgesi» jarysy ótti. Qazaqstanda bilim alyp jatqan sheteldik stýdentter 9 kún boıy Іle Alataýynyń baýraıynda, Kegen aýdanyndaǵy Qarqara jaılaýynda kóshpendilerdiń turmys saltymen tanysty, dep habarlaıdy QazAqparat tilshisi.

Uqsas jańalyqtar
Hokkeı: «Arlan» óz aıdynynda «Altaı Torpedodan» utyldy Oralda badmıntonnan halyqaralyq týrnır márege jetti Vıtse-mınıstr Eldos Ramazanov Kókshetaýdyń sport nysandarynyń jaǵdaıymen tanysty

Tartysty báıgege Qazaqstan, Úndistan, Qytaı, Ózbekstan komandalary qatysty. Ár komandada 10 múshe boldy.




Olarǵa qoıylǵan talap ońaı bolmady. Barlyq komandalar jazyq dalada arbamen jarysty, túrli qıyndyqtarǵa tap boldy. Bireýleriniń arbasy syndy. Sondaı-aq jarystaǵy qıyn talaptyń biri ol – nysana kózdeý. Arbany súıretip kele jatqan arbakesh jáne arbanyń ústindegi komanda múshesi sadaqpen nysanaǵa atýy tıis. Eger jebe nysanaǵa dóp túspese komanda múshesine júgirýge týra keledi.

Al mundaǵy arbalardyń dızaıny da erekshe. Jarysty uıymdastyrýshylardyń biri Dáýren Ýalıev aıtýynsha, bul arbalardyń barlyǵy osy jarys úshin arnaıy jasalǵan.

«Myna kórip turǵan arba bul 4 myń jyldyq tarıhy bar myna petroglıftiń kóshirmesi. 4 myń jyl buryn bizdiń ata-babalarymyz osyndaı kólik túrin oılap tapqan. Bul arbanyń dóńgelegin bir qolmen qozǵaltýǵa bolady. Jeńil qozǵalady. 12 arbany daıyndaý úshin bir aı ýaqyt ketti», dedi Dáýren Ýalıev.

Uıymdastyrýshylar jarys bastalmas buryn barlyq qatysýshylardy aldyn-ala daıyndaǵandaryn aıtady. Sebebi, sadaq atý kez-kelgen jannyń qolynan kele bermeıdi. Al sheteldik stýdentter jaryspen qatar, jaılaýdaǵy ómir de olardy qatty qyzyqtyrǵanyn aıtty.



«9 kún boıy jaılaýda ómir súrý bizge óte qyzyq boldy. Qazaqtyń ulttyq taǵamdary, qymyz sýsynyń dámi til úıiredi. Biz qazaq úıiniń de qalaı qurylatynyn da kórdik. Biz 9 kún boıy ómir súrgen Qarqara jaılaýy teńiz deńgeıinen 2 200 metr bıikte ornlasqan eken. Túnde óte sýyq bolady. Biraq taza-aýada, taýdyń eteginde tynyǵý bizge keremet demalys syılady. Úndi eliniń azamaty retinde «Arba báıge» jarysy jylda uıymdastyrylsa eken dep tilegimdi bildirgim keledi. Biz qazaq halqynyń salt-dástúrimen, tarıhymen tanysyp, rýhanı jan-dúnıemizdi baıyttyq. Taǵy bir aıtaıyn degen dúnıe jaılaýda telefon, ınternet ustamaıdy. Sondyqtan mıymyzda tynyǵyp, jastar bir-birimizben sóılesip, tanysyp, qazir dos bolyp jatyrmyz», - dedi Qazaqstan-Reseı medıtsına ýnıversıtetiniń stýdenti, Úndistan komandasynyń múshesi Amerdıp Dýdı.

Almaty oblysynda tuńǵysh ret uıymdastyrylǵan «Arba báıgesi» jarysynda barlyq komandalar bas júldeni ıelený úshin baryn saldy.

Arba báıgesinde barlyq kedergilerden Qazaqstan komandasy múdirmeı ótip, bas júldeni jeńip aldy. Jarysta Úndistan men Ózbekstan komandalary da jaqsy nátıje kórsetti.

«Namysymyzǵa tyrysyp, kýbogymyzdy ózimiz alǵymyz keledi. Barlyǵymyz birigip, osy kýbokty utyp aldyq. Ata-babamyzdyń rýhyn osy jarysta bútkil álemge tanytyp, bizdiń atalarymyzdyń myqtylyǵyn kórsetýge úles qosqanymyzǵa óte qýanyshtymyz», - dedi Qazaqstan komandasynyń múshesi Tálip Batyrjan.




Al sharany uıymdastyrǵan Almaty oblysynyń Іshki saıasat basqarmasy «Arba báıgesi» jarysyn elimizdiń brendine aınaldyrýdy josparlap otyr.

«Bizdegi basty maqsat – stýdentter arasynda, jastar arasynda ásirese solardyń arasynda biz nasıhattap júrgen «Rýhanı jańǵyrý» baǵdarlamasy halyqaralyq dostyqtyń nyǵaıýyna áserin tıgizedi degen oıdamyz», - dedi oblystyq Іshki saıasat basqarmasynyń basshysy Rýstam Álı.

Bizdiń kanalymyzǵa jazylyńyz:

Basty sózder: Almaty oblysy, Sport,
Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT