Almaty oblysynda Tuńǵysh Prezıdent kúni qarsańynda jańa nysan paıdalanýǵa berildi
2021 jylǵy 26 qarasha 14:53

Almaty oblysynda Tuńǵysh Prezıdent kúni qarsańynda jańa nysan paıdalanýǵa berildi

TALDYQORǴAN. QazAqparat - Almaty oblysynda el Táýelsizdiginiń 30 jyldyǵy men Tuńǵysh Prezıdent kúni qarsańynda jańadan salynǵan áleýmettik ǵımarat qoldanysqa berildi, dep habarlaıdy QazAqparat tilshisi.

Óziniń týǵan Tóle bı aýylynyń halqyna nysandy Eńbekshiqazaq aýdanynyń kásipkeri Tavabır Chıkaev salyp berdi.

Jalpy kólemi 325 sharshy metrlik eki qabatty ǵımaratta táýligine 50 adam qabyldaıtyn ambýlatorııa, poshta men ýchaskelik polıtsııa bólimshesi qonystandy.

Nysannyń ashylýyna aýdan ákimi Álibek Jaqanbaev arnaıy qatysyp, turǵyndar qýanyshyna ortaqtasty. Sonymen qatar «Qazposhta» AQ atqarýshy dırektory Janbota Býkenova, «Qazposhta» AQ Almaty oblysy boıynsha dırektory Muhıt Karıbaev sóz sóılep, ıgi istiń uıytqysy bolǵan aýdan ákimine, jomart júrek kásipkerge alǵysyn bildirip, qoshemet kórsetti.

Aıta keteıik, 15 sotyq jerde buǵan deıin poshtanyń eski ǵımaraty ornalasqan. Nebári úsh aı ishinde salynǵan nysan Kóktóbe okrýgi turǵyndarynyń qýanyshyn eseledi.


Jańalyqtar

Úrdis

MURAǴAT