+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Almaty oblysynda tórt jigit aýyldasynyń 36 iri qarasyn urlaǵan

2019 jylǵy 14 qarasha 23:28
Bólisińiz:
Almaty oblysynda tórt jigit aýyldasynyń 36 iri qarasyn urlaǵan

NUR-SULTAN. QazAqparat – Almaty oblysynda 4 jigit aýyldasynyń 36 iri qara malyn urlaǵan, dep habarlaıdy QazAqparat tilshisi QR ІІM baspasóz qyzmetine silteme jasap.

Tergeý nusqasyna saı, qoradan 300 metr jerde kúdiktiler maldy kólikke tıeýge yńǵaıly oryndy daıyndap qoıǵan.

«Qoranyń eskiligi urylardyń oń jambasyna kele ketken. Esigi symtemirmen jabylǵan qorany olar ońaı ashqan. Sondaı-aq, malshy jatqan vagon qoradan 100 metr qashyqtyqta bolǵan. Osy sebepti malshy urylardy estimeı qalǵan bolýy kerek», - dep habarlaıdy ІІM-nen.

Ókinishtisi, malshy áý basta maldy ózi izdep, ýaqytty joǵaltyp alǵan kórinedi. Aqyry, ishki ister organdaryna bolǵan oqıǵa habarlanǵannan keıin jedel izdestirý toby qurylyp, kórshi sharýa qojalyqta turatyn, buryn sotty bolǵan malshy kúdikke ilingen.

«Jedel sharalardyń arqasynda qylmystyq toptyń barlyq múshesi anyqtalyp, ustaldy. Urlanǵan mal Talǵar aýdanyndaǵy bazardan - qylmys ornynan 300 shaqyrym jerden tabyldy. Qabyldanǵan sharalar boıynsha urlanǵan 36 bas maldyń 32-i tárkilenip, jábirlenýshige qaıtaryldy. Qylmyskerler 4 basty soıyp, satyp úlgergen», - delingen habarlamada.

Іshki ister mınıstrligi sonymen qatar, Qaraǵandy oblysynda bir úıir jylqyny urlaǵan Jańarqa aýdanynyń eki turǵyny, Qostanaı oblysynda 20 shaqty mal urlyǵyna qatysty eki top ustalǵanyn habarlaıdy. Ustalǵandardyń basqa qylmystarǵa qatystylyǵy tekserilip jatyr.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT