Almaty oblysynda tehnıkalyq tekserýdiń jalǵan operatorlary anyqtaldy
2022 jylǵy 17 maýsym 12:49

Almaty oblysynda tehnıkalyq tekserýdiń jalǵan operatorlary anyqtaldy

NUR-SULTAN. QazAqparat - Almaty oblysy boıynsha Sybaılas jemqorlyqqa qarsy qyzmet syrtqy taldaý barysynda 4 jalǵan operatordy anyqtady, dep habarlaıdy QazAqparat vedomstvonyń baspasóz qyzmetine silteme jasap.

Olar 2021-2022 jyldary fotoshopty paıdalana otyryp, avtokólikterdiń

memlekettik nómirlerin ózgertip, jalǵan tehnıkalyq baıqaý júrgizgen.

Jalǵan operatorlardyń qyzmetin memlekettik mekemeler, bilim

berý obektileri jáne ózge de uıymdar paıdalanǵan. Bul rette tehnıkalyq

baıqaý eshbir ǵımaratsyz, aýla-aýmaqsyz jáne jabdyqsyz, onlaın formatta jasalǵany áshkerelendi.

«Tergeý málimetine sáıkes, kólikti tehnıkalyq baıqaýdan ótkizý úshin

25 mınýttan asa ýaqyt jumsalady. Orta eseppen, bir kúnde operator 30-ǵa

jýyq kólikti teksere alady. Alaıda, jalǵan operatorlar kúnine 50-den

astam tehbaıqaý ótkizgen», – dedi oblystyq Sybaılas jemqorlyqqa qarsy

qyzmet basshysynyń birinshi orynbasary Tımýr Temirálıev.

Sondaı-aq, Antıkorrýptsııalyq qyzmet óńirde 25 tehnıkalyq baıqaý

ótkizetin ǵımarattardyń meken-jaıy da jalǵan bolyp shyqqanyn

anyqtady. Shyn máninde tehbaıqaý meken-jaılary boıynsha medıtsınalyq

ortalyq, kosmetologııa, sulýlyq salon, dúkender men kafeler ornalasqan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT