Almaty oblysynda sońǵy 3 kúnde dári-dármek baǵasyn negizsiz ósirgen 6 tulǵa anyqtaldy

TALDYQORǴAN. QazAqparat - Almaty oblysynda sońǵy 3 kúnde dári-dármek baǵasyn negizsiz ósirgen 6 tulǵa anyqtaldy, - dep habarlaıdy QazAqparat tilshisi.
Keleńsiz jaǵdaılar alyp megapolıs Almaty mańynda ornalasqan oblystyń eldimekenderinde tirkelgen. Alypsatarlyqpen aınalysqandarǵa ákimshilik hattama toltyrylyp, aıyppul salyndy. Búgin oblys ákiminiń orynbasary Batyrjan Baıjumanov ta qaladaǵy naqty ahýaldy saralady.
«Medservıs plıýs» JShS-nyń dárihana qoımasyna tús aýa bir top dári-dármek qory jetkizildi. Dál qazirgi jaǵdaıǵa halyq suranysy zor aspırın, paratsetamol, sýmomed, azıtromıtsın t.b. taýarlar aldymen aýrýhanalarǵa men emhanalarǵa úlestiriledi. Asa muqtaj sanattaǵylar kezeksiz alady.
«Keshe oblys ákiminiń tapsyrmasymen jergilikti bıýdjetten qosymsha 500 mln teńge bólindi. Bul aýdan-qalalardaǵy dári qajettilikterin tolyqtaı qamtamasyz etýge baǵyttalyp otyr. Mine, búgin dárilerdiń alǵashqy legi keldi. Budan bólek, jaqyn kúnderi qaýipti oshaqta júrgen azamattar men qyzmetkerlerge vırýsqa qarsy dári-dármek satyp alynady»,- dedi Batyrjan Baıjumanov.
Qoımadaǵy qor Taldyqorǵan men alys-jaqyn aýdandardaǵy 130 dárihanany qamtymaq. Medıtsınalyq preparattar ár juma saıyn úzdiksiz túsip otyrady. Tıisinshe baǵasy da shekti normada.
Óńirde dári tapshylyǵy birtindep sheshilip keledi. Aımaqqa BAÁ, Túrkııa, Qytaı elderinen gýmanıtarlyq kómekter tikeleı jóneltilip otyr. 800-ge jýyq bir rettik arnaıy kostıým, 15 000 dana qolǵap, sanıtaızer, termomertler qoıma sórelerinde tur.
- MÁMS júıesi: Koronavırýstan jazylǵannan keıin ońaltýdan qalaı ótýge bolady
- COVID-19 shaldyqqandarǵa medıtsınalyq kómekti uıymdastyrý máselesi talqylandy
- Almaty oblysynda pedofıl ómir boıyna bas bostandyǵynan aıyryldy
- Óskemende qamaýǵa alynǵan áıel tergeý ızolıatorynda bosandy
-
Elordada pandemııa kezeńiniń barlyq talabyna saı keletin emhana ashylady
-
Koronavırýstan jazylǵan naýqastar vaktsınany qashan saldyra alady
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam