+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Almaty oblysynda shopan jumys berýshisinen 11 qoıdy urlap ketken

2020 jylǵy 23 qarasha 22:20
Bólisińiz:
Almaty oblysynda shopan jumys berýshisinen 11 qoıdy urlap ketken

TALDYQORǴAN. QazAqparat - Almaty oblysynda 11 qoıdy urlaǵan baqtashy trassada polıtseılerge ustaldy, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, Eskeldi aýdany Aqyn Sara aýylynyń ýchaskelik polıtsııa ınspektory Meıir Eskendirov pen Qońyr aýylynyń ýchaskelik polıtsııa ınspektory Dastan Madıkenov ákimshilik aýmaqty aralaý kezinde «Almaty-Óskemen» avtojolynyń boıynda «Aýdı» markaly kólikti toqtatyp, mal urysyn aıǵaqzattarmen ustady. Tekserý barysynda tártip saqshylary kólikten eki qoı eti men 5 qoıdyń basyn tapqan. Et ónimderiniń tıisti qujattarynyń joq ekenin anyqtaǵan polıtseıler mán-jaıdy anyqtaý úshin kúdiktini jáne kólikti aýdandyq polıtsııa bólimine jetkizgen. Tekserý barysynda kólikten tabylǵan 5 qoıdyń sharýa qojalyqtarynyń birinen urlanǵany áshkere boldy.

«Atalǵan derek boıynsha QR Qylmystyq kodeksi 188-1 babyna sáıkes sotqa deıingi tergeý amaldary júrgizilýde. 34 jastaǵy kúdikti qamaqqa alyndy. Aıǵaqzattar tárkilenip, is materıaldaryna tirkeldi. Bultartpas aıǵaqtardan keıin kúdikti qylmysyn tolyǵymen moıyndady. Kúdiktiniń osyǵan uqsas ózge de qylmystarǵa qatysy bary tekserilýde»,- dedi Eskeldi aýdany PB bastyǵynyń ýaqytsha mindetin atqarýshy polıtsııa maıory Nurjan Seısenbekov.

Polıtsııa taratqan aqparatqa sáıkes, 34 jastaǵy kúdikti sharýa qojalyqta mal baǵyp júrip, óz jumys berýshisinen 11 qoıdy qoldy qylǵan. Kelesi kúni 22 qarashada 5 qoıdy soıyp, etin satyp jibergen. Taǵy da 2 qoıdyń etin satý maqsatynda oblys ortalyǵyna kele jatqan jolda qolǵa túsken. Qalǵan 4 qoı tárkilenip, zańdy ıesine qaıtaryldy.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT