Almaty oblysynda polıtsııanyń qarý-jaraq qoımasynan urlanǵan 6 tapansha tabyldy
2022 jylǵy 26 mamyr 23:54

Almaty oblysynda polıtsııanyń qarý-jaraq qoımasynan urlanǵan 6 tapansha tabyldy

TALDYQORǴAN. QazAqparat - Almaty oblysynda polıtsııanyń urlanǵan 6 «Makarov» tapanshasy tabyldy, - dep habarlaıdy QazAqparat tilshisi.

«26 mamyr kúni Almaty oblysy prokýratýrasynyń bastamasymen júrgizilgen arnaıy operatsııa barysynda tártip saqshylary qańtar aıyndaǵy tártipsizdikter kezinde quqyq qorǵaý organdarynyń qarý-jaraq qoımalarynan urlanǵan 18 oǵy bar 6 «Makarov» tapanshasyn, sondaı-aq 1 Kalashnıkov avtomatyn taýyp, tárkiledi.

​Osylaısha, jedel-izdestirý is-sharalarynyń nátıjesinde 2 kúdiktiniń turǵylyqty jeri boıynsha atalǵan qarý túrleri tabyldy»,- dep habarlady Almaty oblystyq prokýratýrasynyń baspasóz qyzmeti.

Vedomstvonyń aqparatyna sáıkes, kúdiktiler ustaldy. Olardyń ústinen QR QK 287-baby 3-bóligi (qarýdy, oq-dárilerdi, jarylǵysh zattardy jáne jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý) boıynsha sotqa deıingi tergeý bastaldy. Sotqa deıingi tergeý sheńberinde istiń barlyq mán-jaıyn anyqtaýǵa baǵyttalǵan jedel-tergeý is-sharalary júrip jatyr, sondaı-aq ustalǵandar basqa qylmystarǵa qatystylyǵy boıynsha tekserilýde.

Ózge aqparat tergeý múddesi úshin jarııa etilmeı otyr.
Uqsas jańalyqtar

Jańalyqtar

MURAǴAT