+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Almaty oblysynda koronavırýsty anyqtaıtyn jetinshi zerthana iske qosylady

2020 jylǵy 23 mamyr 18:50
Bólisińiz:
Almaty oblysynda koronavırýsty anyqtaıtyn jetinshi zerthana iske qosylady

TALDYQORǴAN. QazAqparat - Almaty oblysynda koronavırýsty anyqtaıtyn jetinshi zerthana iske qosylady. Taldyqorǵanda boı kótergen nysannyń jumysymen Úkimet basshysynyń orynbasary Eraly Toǵjanov tanysty, dep habarlaıdy QazAqparat tilshisi.

Uqsas jańalyqtar
Dılıara Qaıdarova: Onkologııamen aýyrǵan 2500 naýqas koronavırýs juqtyrdy Qazaqstanda bir kúnde 155 naýqas koronavırýstan jazylyp, úıine oraldy Ótken táýlikte 76 adam koronavırýs ınfektsııasyn juqtyrǵan

Almaty oblysyna jumys saparymen kelgen QR Premer-Mınıstri Asqar Mamınmen birge delegatsııa quramynda Úkimet basshysynyń orynbasary Eraly Toǵjanov ta bolyp, vıtse-premer Taldyqorǵandaǵy qurylysy aıaqtalǵan ortalyqtandyrylǵan medıtsınalyq zerthanaǵa bardy.

Eraly Toǵjanovtyń Jetisý óńirine jasaǵan sapary negizinen koronavırýs indetimen kúres sharalarymen tanysyp, bilý maqsatyna baǵyttaldy.

Vıtse-premer oblys ákiminiń orynbasary Batyrjan Baıjumanovpen birge zerthana ǵımaratyn aralap kórdi.


B. Baıjumanov ortalyq salý jobasy memlekettik-jekemenshik áriptestik sheńberinde júzege asyrylǵanyn aıtty. Qurylysy aıaqtalǵan ǵımaratty maýsym aıynda ashý josparlanǵan. Medıtsınalyq mekeme oblystaǵy 7-shi zerthana. Sondyqtan № 7 zerthana retinde jumysqa kirisetin bolady.

3 qabatty ǵımarattyń qurylysy, zerthanalyq múmkindikteri, patsıentter qabyldaý reti jáne basqa da málimetterdi Eraly Toǵjanovqa «Olımp» klınıko-dıagnostıkalyq zerthananyń Almaty oblystyq fılıalynyń dırektory Arman Shaýhın baıandap berdi. Onyń aıtýynsha, zerthana konsýltatıvti-dıagnostıkalyq qyzmet kórsetetin mekeme bolmaq. Zerthananyń qurylys jumystaryn budan neǵurlym erte merzimde aıaqtaý josparlanǵanymen, indettiń taralýy qurylystyń biraz keshiktirilýine sebep bolǵan. Degenmen búgingi kúni qurylys jumystary, ishki árleýi tolyq aıaqtalǵan. Qajetti qural-jabdyqtar ákelingen, iske qosýǵa daıyn.


Eraly Toǵjanov juqpaly aýrýlardy dıagnostıkalaıtyn, sol qatarda koronavırýsqa PTR taldaýyn jasaıtyn zerthanalar ornalasatyn ekinshi qabatty tolyq aralap kórdi. Munda qoıylatyn qural-jabdyqtar, qorǵaný sharalary, zararsyzdandyrý protsesi jaıly surap bildi.

Oblys ákiminiń orynbasary Batyrjan Baıjumanov búgingi kúni óńirde COVID-19 ınfektsııasyna tekserýdiń táýligine 2,5 myń zertteýi jasalsa, osy zerthana iske qosylǵannan keıin zertteý sanyn 3 myńǵa jetkizýge múmkindik bar ekenin aıtty. Al jalpy oblysta búginge deıin 38 myńnan astam zertteý jasalǵan.

Vıtse-premerge oblystaǵy koronavırýs indetiniń búgingi taralý jaıy, emdeý sharalary, ınfektsııalyq tósek pen provızorlyq statsıonarlardyń jaǵdaıy týraly tolyq maǵlumat berildi.

«Eń aldymen indet juqtyrý qaýpi joǵary topqa jatatyn medıtsına mamandary, polıtsııa qyzmetkerleri jáne basqa da indetpen kúres shalararyna tartylǵan azamattardy tekserýden ótkizý úzdiksiz júrgizilýi kerek. Oblystyń Qytaımen, sol sııaqty Shyǵys Qazaqstan, Jambyl oblystarymen shektesetin aýmaqtaryn jiti baqylaý kerek. Syrttan kelgenderi, shet memleketterden kelip jatqan stýdentterimizdi, syrtqattarmen baılanysta bolǵan azamattardy provızorlyq statsıonarlarǵa karantınge alý jumystary tıisti deńgeıde bolýy tıis. Іndetten qaıtys bolý deregine jol bermeýimiz kerek. Oblystaǵy bul baǵyttaǵy jumystarǵa qanyqpyn. Jumysty osy qarqynda jalǵastyra berińizder», - dedi E. Toǵjanov.

Sol sııaqty vıtse-premer «Olımp» zerthanasynyń qyzmet kórsetý baǵalary jaıly surap, halyqtyń jaǵdaıyna sáıkes bolýyn da este ustaý kerektigin aıtty.


Atap ótsek, Ortalyqtandyrylǵan medıtsınalyq zerthananyń qurylysy 2018 jyldyń shilde aıynda bastalǵan bolatyn. Aldaǵy maýsym aıynda ashý josparlanǵan. Jalpy alańy – 2016 sharshy metr. Qurylysyn júrgizgen merdiger uıym – «NatsStroıLıder» JShS.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT