+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Almaty oblysynda karantın talaptary qaıta kúsheıtilýi múmkin

2020 jylǵy 7 maýsym 15:18
Bólisińiz:
Almaty oblysynda karantın talaptary qaıta kúsheıtilýi múmkin

TALDYQORǴAN. QazAqparat – Almaty oblysynda koronavırýs juqtyrǵandar sany qaıta artyp keledi. Sońǵy aptada indetke shaldyǵý ósimi 4,5 paıyzǵa jetken, dep habarlaıdy QazAqparat tilshisi.

Uqsas jańalyqtar
Almaty oblysynyń ákimi koronavırýstan jazyldy Almaty oblysynda aýyl turǵyny úıinen dárihana ashyp alǵan Almaty oblysynda koronavırýspen 3,5 myńnan astam medıtsına qyzmetkeri kúresýde

«Vırýsty juqtyrý ósimi sońǵy aptada 4,5 % jetti. Al karantın talaptaryn jeńildetý kezeńinde bul kórsetkish 2,5 paıyzdan aspaǵan bolatyn. Tájirıbe kórsetip otyrǵandaı, oblys turǵyndary men bıznes ókilderi karantınniń negizgi talaptaryn oryndamaıdy. Medıtsınalyq maska taqpaıdy, adamdar arasyndaǵy araqashyqtyq saqtalmaıdy. Jalpy, karantın talaptaryn saqtamaǵan 720 jaǵdaı tirkeldi», - dedi Almaty oblysy ákiminiń baspasóz hatshysy Ǵalymurat Júkel.

Qazir koronavırýstyń ósý qarqyny Taldyqorǵan qalasynda joǵary. Oblys ortalyǵynda alǵashqy jaǵdaı elimizde tótenshe jaǵdaı rejımi alynyp tastalǵannan keıin tirkeldi. ıAǵnı, 14 mamyr kúni polıtseıdiń indetti juqtyrǵanyn mamandar habarlady.

Taldyqorǵan qalasy ákiminiń baspasóz hatshysy Nur Qanatulynyń sózinshe, búgingi kúni shaharda indetti juqtyrǵandar sany 140 adamǵa jetti. Osy jaıtqa baılanysty 6 maýsym kúni Taldyqorǵan bas sanıtarlyq dárigeriniń jańa qaýlysy shyqty. Qujatqa sáıkes, oblys ortalyǵynda karantın rejımi jalǵasady. Biraq sanıtarlyq postar qoıylmaıdy, nysandar jabylmaıdy.

«Eshqandaı obektiler jabylmaıdy. Tek jumys isteý ýaqyttaryna ózgeris engizildi. Sanıtarlyq postardy da qaıta qoımaımyz. Biraq dezınfektsııalaý jumystary qoǵamdyq oryndarda, halyq kóp shoǵyrlanatyn jerlerde, turǵyn úı kireberisterinde kúnde júrgiziledi. Halyqtan medıtsınalyq betperde kıip, ara-qashyqtyqty saqtaýdy ótinip suraımyz», - dedi N. Qanatuly.

Taldyqorǵanda jańadan shyqqan qaýlyǵa sáıkes:

- azyq-túlik bazarlary (ıarmarka) saǵat 08:00-den 15:00-ge deıin;

- avtokólik bólshekterin, qurylys materıaldaryn, turmystyq hımııa zattaryn, turmystyq tehnıkany satatyn azyq-túlik emes dúkender saǵat 10:00-den 17:00-ge deıin;

- azyq-túlik emes, onyń ishinde saýda úıler, bazarlardyń jumys ýaqyty saǵat 10:00-den 17:00-ge deıin;

- turmystyq jáne elektrondyq tehnıkany jóndeý boıynsha qyzmetterdiń jumys ýaqyty saǵat 10:00-den 17:00-ge deıin;

- qurylys dúkenderi, jazǵy kottedj jabdyqtaryn satatyn dúkender, optıka (dúkender), fotosalondar, zoodúkender, tyǵyz qatynasty boldyrmaıtyn nysandar saǵat 10:00-den 17:00-ge deıin;

- sulýlyq salondary, shashtarazdar (aldyn ala jazylý boıynsha) klıentterdiń betperde kııýin talap ete otyryp, saǵat 10:00-den 18:00-ge deıin;

- qoǵamdyq tamaqtaný oryndary saǵat 10:00-23:00 aralyǵynda jumys isteıdi. Kelýshilerdiń jalpy sany 50 adamnan aspaýy tıis jáne olardy otyrǵyzý talaptary qatań saqtalýy kerek.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT