+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Almaty oblysynda eńbek qaýipsizdigi boıynsha jumysty jandandyrý qajet – Nurymbetov

2019 jylǵy 17 qarasha 00:26
Bólisińiz:
Almaty oblysynda eńbek qaýipsizdigi boıynsha jumysty jandandyrý qajet – Nurymbetov

NUR-SULTAN. QazAqparat - Qazaqstan Respýblıkasy Premer-Mınıstriniń orynbasary Berdibek Saparbaevtyń Almaty oblysyna jumys sapary aıasynda Qazaqstan Respýblıkasy Eńbek jáne halyqty áleýmettik qorǵaý mınıstri Birjan Nurymbetov «Jetisý Sý qubyry» MKK ujymymen kezdesti.

Uqsas jańalyqtar
Shymkentte áleýmettik qyzmetter portaly iske qosylady Danıal Ahmetov Altaıdaǵy kópbalaly otbasylardyń jaǵdaıymen tanysty Jergilikti jáne shetel mamandaryna teń jaǵdaı jasaý mınıstrliktiń baqylaýynda - mınıstr

QR Eńbek mınıstri kásiporyn basshylyǵy men qyzmetkerlerine QR Prezıdenti Qasym-Jomart Toqaevtyń Qazaqstan halqyna Joldaýynyń negizgi baǵyttaryn túsindirip, olardyń nazaryn qaýipsiz eńbek jaǵdaılaryn qamtamasyz etýge aýdardy.

«Jetisý sý qubyry» MKK eńbek ujymymen kezdesýde Birjan Nurymbetov qyzmetkerlerdiń qaýipsiz eńbek jaǵdaılaryn qamtamasyz etý máseleleri mınıstrliktiń erekshe baqylaýynda ekenin atap ótti.

Onyń aıtýynsha, sońǵy 5 jylda óndiristik jaraqattaný deńgeıi 22% - ǵa tómendegen. Alaıda, jaraqattanýdyń joǵary deńgeıi taý-ken metallýrgııa kesheni kásiporyndarynda – 16,2% jáne qurylys salasynda – 12,8% saqtalýda.

«Aǵymdaǵy jyldyń 10 aıynda respýblıka kásiporyndarynda 1069 adam zardap shekti, bul 2018 jyldyń sáıkes kezeńimen salystyrǵanda 13,2% - ǵa tómen. Onyń ishinde 129 adam qaza tapty, bul ótken jyldyń kórsetkishterinen 22,8 % tómen. Eger Almaty oblysy týraly aıtatyn bolsaq, óndiristik jaraqattanýdyń oń dınamıkasy saqtalýda. Aǵymdaǵy jyldyń 10 aıynda óńir kásiporyndarynda 24 qyzmetker zardap shekti, onyń 6 – ýy qaza boldy, bul ótken jyldyń osy kezeńimen salystyrǵanda 2-ge artyq», – dedi vedomstvo basshysy.

Sonymen qatar, ol jazataıym oqıǵalardyń negizgi sebepteri qaýipsiz eńbek jaǵdaılary men ujymdyq qorǵaný quraldarymen qamtamasyz etý jumystaryna selqos qaraý, qyzmetkerlerdi qaýipsiz eńbek tásilderine oqytý jumystaryna mán bermeý bolyp tabylatynyn atap ótti.

«Eger bar máselelerge qysqasha toqtalsaq, kommýnaldyq sharýashylyq kásiporyndarynda qaýipsizdik pen eńbekti qorǵaý talaptaryn saqtaý erekshe alańdaýshylyq týdyrady, onda jyl saıyn sý qubyry men káriz júıelerin jóndeý kezinde adamdar qaza bolady. Aǵymdaǵy jyly respýblıkanyń kommýnaldyq sharýashylyq kásiporyndarynda 46 qyzmetker zardap shekti, onyń 11-i qaza boldy. Almaty oblysynda sońǵy eki jylda kommýnaldyq sharýashylyq kásiporyndarynda 7 adam qaza tapty. Jazataıym oqıǵalardyń sebepteri qaýipti jumystardy júzege asyrý kezinde qaýipsizdik tehnıkasy erejelerin óreskel buzý jáne kárizdik gaz qospasymen qatty ýlaný boldy», – dep tolyqtyrdy Birjan Nurymbetov.

Osyndaı jazataıym oqıǵalardyń aldyn alý úshin Qazaqstan Respýblıkasynyń Eńbek jáne halyqty áleýmettik qorǵaý mınıstrligi kommýnaldyq qyzmetterdiń tizimin daıyndady, olarǵa qatysty Qazaqstan Respýblıkasynyń Bas Prokýratýrasyna jospardan tys tekserýler júrgizý týraly usynys engiziletin bolady.

Sonymen qatar, memlekettik eńbek ınspektorlarynyń talaby boıynsha aǵymdaǵy jyldyń 10 aıynda respýblıka kóleminde 47 laýazymdy tulǵa qyzmetinen bosatyldy. Quqyq qorǵaý organdaryna 820 materıal jiberildi, olar boıynsha 116 qylmystyq is qozǵaldy, onyń ishinde Almaty oblysy boıynsha 20 is berildi, olar boıynsha qylmystyq is qozǵalmaǵan. Jumysshylardyń ómiri men densaýlyǵyna naqty qaýipke baılanysty, memlekettik eńbek ınspektorlarynyń talaby boıynsha 11 qural-jabdyq, 2 óndiristik nysan jáne 7 uıymnyń qyzmetine tyıym salyndy. Almaty oblysy boıynsha tyıym salý faktileri bolǵan joq.

«Óndiristik jaraqattanýdy odan ári tómendetý úshin osy jyldan bastap «Qaýipsiz eńbek» aqparattyq naýqany bastaldy. Sondaı-aq Qazaqstanda «Vision Zero» nóldik jaraqattaný tujyrymdamasyn engizý josparlanýda. 17 maýsymda Jenevada Qazaqstan Respýblıkasy Eńbek jáne halyqty áleýmettik qorǵaý jáne Halyqaralyq áleýmettik qamsyzdandyrý qaýymdastyǵy arasynda memorandým jasaldy. Óńirlerdiń eńbek ınspektsııasy jónindegi basqarmalary áriptestermen birlesip kásiporyndardy «Vision Zero» tujyrymdamasyna qosý boıynsha aqparattyq naýqan ótkizedi. Búginde respýblıkanyń 51 kásiporny oǵan qosyldy. Alaıda, bul tujyrymdamaǵa Almaty oblysynda birde-bir kásiporyn qosylmaǵan. Osyǵan baılanysty eńbek ınspektsııasy jónindegi basqarma áleýmettik saladaǵy áriptesterimen birlese otyryp, buqaralyq aqparat quraldaryn tarta otyryp, óńirdegi kásiporyndarda «Vision Zero» tujyrymdamasyn engizý boıynsha jumys berýshilermen túsindirý jumystaryn jandandyrý qajet», – dedi Birjan Nurymbetov.

Ol sondaı-aq, mınıstrliktiń eńbekti qorǵaýdy basqarý júıesin jetildirý maqsatynda uıymda eńbekti qorǵaýdy basqarý júıesi týraly úlgilik erejeni ázirleý men bekitýdi jáne jumys berýshiniń jumys oryndarynda kásiptik táýekelderge baǵalaý júrgizý mindetin zańnamalyq bekitýdi, kásiporyndarda eńbek qaýipsizdigi jáne eńbekti qorǵaý jónindegi óndiristik keńes qurý merzimin qarastyratyn Eńbek kodeksine ózgerister men tolyqtyrýlar daıyndalǵanyn atap ótti. Tıisti zań jobasy QR Parlamenti májilisinde qaralady.

«Sondaı-aq, aǵymdaǵy jyldyń maýsym aıynda Úkimet 2019-2023 jyldarǵa arnalǵan Óndiristik jaraqattanýdy jáne eńbek jaǵdaılary zııandy jumys oryndaryn tómendetý boıynsha Jol kartasyn bekitkenin eske salǵym keledi. Ákimdik pen áleýmettik seriktester onyń oryndalýyn qamtamasyz etý jóninde sharalar qabyldaýy qajet. Áleýmettik áriptestiktiń barlyq taraptarynyń birlesken kúsh-jigerimen ǵana biz qyzmetkerler úshin salaýatty jáne qaýipsiz eńbek jaǵdaılaryn qamtamasyz ete alamyz», – dep túıindedi mınıstr.

Esterińizge sala keteıik, buǵan deıin Birjan Nurymbetov QR Prezıdentiniń Qazaqstan halqyna Joldaýyn Almaty, Shymkent qalalarynda, sondaı-aq, Shyǵys Qazaqstan, Qaraǵandy, Atyraý, Batys Qazaqstan, Túrkistan, Aqtóbe, Pavlodar jáne Aqmola oblystarynda túsindirdi.

Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT