+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Almaty oblysynda ekotýrızm erekshe baǵytta damytylmaq

2021 jylǵy 11 mamyr 21:18
Bólisińiz:
Almaty oblysynda ekotýrızm erekshe baǵytta damytylmaq

ALMATY OBLYSY. QazAqparat - «Altyn-Emel» jáne «Sharyn» ulttyq parkine kelýshilerge aımaqtyń erekshe tabıǵaty men onyń tarıhy týraly aqparat beriledi. Investor ulttyq saıabaqtarda ınfraqurylymdy jáne ekotýrızmdi damytý jobasyn júzege asyrǵan kezde osyǵan nazar aýdarady. Bul týraly QR ekologııa, geologııa jáne tabıǵı resýrstar mınıstri Maǵzum Myrzaǵalıevtiń Almaty oblysyna jumys sapary barysynda belgili boldy, dep habarlaıdy QazAqparat tilshisi.

Uqsas jańalyqtar
Túrkistanǵa saıahattaýshylardyń sany 2,5 mln adamǵa jetedi Qostanaı oblysynda alǵashqy eko-qonaq úı paıda boldy Baytak Dala – Babalar Murasy ekspedıtsııasy Qaraǵandy oblysynda bolyp qaıtty

Eske salaıyq, bıyl atalǵan ulttyq parkterdiń ýchaskelerin týrıstik jáne rekreatsııalyq qyzmetti júzege asyrý úshin uzaq merzimdi paıdalanýǵa berýge arnalǵan konkýrstyń qorytyndysy boıynsha «QazaqGeography» RQB jeńip aldy.

Ekotýrızmdi damytý Tujyrymdamasyna sáıkes ulttyq parkterde qaýipsiz týrıstik marshrýttar men soqpaqtardy damytýǵa, týrıstik obektilerdi kúrdeli qurylystarsyz ornalastyrýǵa erekshe mán beriledi. Sondaı-aq, zamanaýı vızıt-ortalyqtar, glempıngter, kempıngter, qazaq aýyly jáne kerýen jolyn, tamashalaý alańdaryn, demalýǵa arnalǵan oryndar jasaý qarastyrylǵan.

«QazaqGeography» kompanııasynyń basqarma tóraǵasy Orman Nurbaevtyń aıtýynsha, ulttyq parkterdiń jumysynda balalar men jastardyń bilim berý qyzmetine basa nazar aýdarylatyn bolady.

«Kelýshilerge aımaqtyń qaıtalanbas tabıǵaty týraly ǵana emes, onyń tarıhy jaıly da áńgimeleý josparlanyp otyr.Ózderińiz biletindeı, «Altyn-Emel» ulttyq parkiniń aýmaǵynda ejelgi Besshatyr qorǵandary ornalasqan. Sondaı-aq, qazaqtyń uly ǵalymy Shoqan Ýálıhanov ómiriniń sońǵy jyldaryn «Altyn-Emel» jerinde ótkizdi. Biz osyndaı tarıhı jaǵdaılardy jas urpaqqa jetkizýdi maqsat etip otyrmyz «, - dep atap ótti ınvestor.

Óz kezeginde, «Altyn Emel» MUTP bas dırektory Halyq Baıadilov ekotýrızmdi damyta otyryp, óz ekonomıkasyn kótere alǵan elderdiń úlgisi boıynsha ınvestormen yntymaqtasýǵa daıyn ekenin bildirdi.

Mınıstr ulttyq parkterde ekotýrızmniń damýy mańyzdy ekenin atap ótti.

«Qazaqstanda ekologııalyq, uıymdastyrylǵan týrızmdi damytý qajet. Elimizdiń ekotýrızmdi damytý áleýeti zor. Memleket basshysy el ishinde ekologııalyq týrızm mádenıetin damytý mindetin qoıdy. Bul azamattardyń ekologııalyq bilim alýyna, tabıǵatqa uqypty qaraýǵa yqpal etetinine senimdimin. Eń bastysy, jobalar tabıǵatqa zııan keltirilmeı júzege asyrylýy kerek. Bul erekshe qorǵalatyn tabıǵı aýmaqtar», - dedi Maǵzum Myrzaǵalıev.

Bıyl maýsym aıynda sarapshylar, ekologtar men qoǵam ókilderiniń qatysýmen ulttyq parkterdiń osy jobalary boıynsha qoǵamdyq tyńdaýlar ótkizý josparlanýda.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT